14-15 май көнне Балалар иҗат Үзәге каршындагы мәйданда Марданов Альберт Мидхатович җитәкчелегендә шөгыльләнүче балалар әлеге исем астында үткән күргәзмәдә катнаштылар. Хезмәттәшебезгә һәм техниканы үз итүче укучыларыбызга республикакүләм ярышта да уңышлар телибез.

13 нче май көнне химия -биология укытучысы Мөхәммәтгалиева С.Л. 5-6 сыйныфлар өчен "Чүп - глобаль экологик проблема", 7-8 сыйныфлар өчен  "Су -Җирдә тереклек нигезе", 9-11 сыйныфлар өчен "Экологик бергәлекләр"  темасы буенча презентация  - дәресләр үткәрелде.

Безнең мәктәбебездә 20 нче апрельдан башлап 10 нчы майга кадәр "Ветеранга бүләк" дип исемләнгән конкурс игълан ителде. Бу конкурска картоннан, кыягаздан эшләнгән кул эшләре кабул ителәчәк.  5 нче һәм 6 нчы сыйныф укучылары бу конкурска бик җитди карап төрледән-төрле кул эшләре эшли башладылар, аларга бу эшләрендә укытучылары Гыйльманова Айгөл апалары ярдәм итте. 

Мәктәптә Бөек Җиңүнең 70 еллыгын каршылау зур оешканлык белән барды.Укучылар Бөек Ватан сугышында катнашкан ветераннарыбызның портретларын барладылар, авылыбыз уртасында куелган һәйкәл - обелиск өчен венок һәм чәчәкләр ясадылар.

Мәктәп укучылары, Сатыш авылы зиратына барып, вафат булган сугыш каһарманнарының каберләрен барладылар. Бердәм рәвештә чистарту оештырылды һәм барланган каберләргә махсус тасмалар беркеттеләр. Әлеге өмәдә катнашкан укучыларга һәм укытучыларга рәхмәтебезне белдерәбез.

Өстәмә белем бирү түгәрәге җитәкчесе Н.Ә.Әүхәдиева җитәкчелегендә Бигәнәй  мәктәбе укучылары сугыш ветераны Гайнуллин Гыйльмулла абый янында булдылар. Очрашу барышында ветеран укучыларга үзенең сугышчан юлы турында сөйләде. Укучылар аңа истәлек бүләге тапшырдылар һәм бергәләп фотога төштеләр.