22 январь көнне Балалар иҗат үзәгендә “Дулкыннар” республика бәйгесенең сайлап алу туры үтте. Бәйге Клара Булатова иҗатына багышланган иде. Укучылар осталык белән әдипнең шигырьләрен укыдылар, аның сүзләренә иҗат ителгән җырларны башкардылар, конкурска Клара Булатова әсәрләре буенча рәсемнәрен тәкъдим иттеләр.  Бәйгенең оештыру комитетына тәкъдим ителгән эшләр 4 номинацияга бүлеп бәяләнде, җиңүчеләр билгеләнде. Укучыларыбызны чын күңелдән җиңүләре белән котлыйбыз!

Рәсем номинациясе, уртанчылар төркеме:

1 урын – Дәүләтова Гөлгенә,  җит. Гыйльманова Айгөл.

19нчы гыйнвар көнне 7-8 нче сыйныф укучылары өчен тарих һәм җәмгыять белеме фәне укытучысы Марданова С.Х. "Нюренберг суд карарына-70 ел"дип аталган класстан тыш чара күрсәтте.Чарада "Нюренбергский процесс,суд над фашизмом" дигән документаль фильм да каралды.Әлеге чара укучыларга патриотик тәрбия бирүдә отышлы булды.

18нче гыйнвар көнне тарих һәм җәмгыять белеме фәне укытучысы Марданова С.Х. 9-11 нче сыйныф укучылары өчен Нюренберг процессына багышланган чара үткәрде.Укучыларга "Нюренбергский процесс,суд над фашизмом"дигән фильм күрсәтелде һәм фикер алу оештырылды.

Укучылар каникулдан көч һәм куәт туплап килделәр.Бүген мәктәп балаларның шат авазларыннан шау-гөр килеп тора.Барлык укучыларга,укытучыларга саулык-сәламәтлек ,эшләрендә, укуларында зур уңышлар телибез. 

Санаулы көннәр бик тиз үтеп киттеләр.Бүген лагерьның соңгы көне.7 көн дәвамында үткәрелгән чаралар,спорт ярышлары укучылар өчен файдалы һәм кызыклы булды.

Бәйрәмнән соң укучылар теләп кабат лагерьга җыйналдылар.Җанлы тормыш башланып китте.Инглиз теленә багышланган КВН күңелле һәм файдалы булды.Флешмобта рәхәтләнеп биеделәр. Көндезге аштан соң "Туган ягымда кыш" темасына нигезләнгән презентация карап фикер алышу оештырдылар.

Бүген укучылар иртәнге аштан соң бөек рус язучыларына багышланган презентация карадылар.11.00-12.00 сәг.аралыгында баскетбол ярышы оештырылды.Көндезге аштан соң инглиз теленә багышланган кичәдә катнашып белемнәрен ныгыттылар.Бүгенге көн укучылар өчен файдалы булды.