Мәктәп күләмендә укучылар ОБЖ фәненнән олимпиадада катнаштылар.Аның теоретик туры  үтте.Ә практик туры 9 октябрьдә уза.

   Бүген,7 октябрь көнне район мәгариф идарәсендә эшләп чыккан ветеран – пенсионерлар Ш.З.Зиннуров музей – бүлмәсенә экскурсиягә килделәр.Аларга  музей җитәкчесе Мөхәмәтханова Г.М. чыгышы  һәм мәктәп ашханәсендә чәй табыны әзерләнде.

Бүген 4-11 нче сыйныфлар арасында рус теленнән олимпиада булып узды.

Бүген мәктәбебездә Корбан ашы үткәрелде. Авылыбызның имам хатыйбы Гәбделәхәт абый укучыларга вәгаз укыды. Аннан соң корбан итеннән пешерелгән аштан авыз иттеләр.Корбан бәйрәме мөбәрәк булсын! 

Бүген дәресләрдән соң "Кояшкай" балалар бакчасына йөрүчеләр,мәктәбебез укучылары "Милләтләр кроссы" акциясендә катнаштылар.1,2,3 нче урын яулаган укучылар мактау грамоталары белән бүләкләнделәр.

Бүген 5-11нче сыйныф укучылары  экология,астрономия фәннәреннән уздырылган олимпиадада катнаштылар.

Бүген 5-11 нче сыйныфлар катнашында мәктәп күләмендә "Кабак бәйрәме"булып узды.Кабактан ясалган эшләнмәләр арасында ниләр генә юк иде. Күргәзмәдәге эшләнмәләрне комиссия членнары уңай яктан бәяләде.

21 нче сентябрьдан мәктәп туры олимпиадалары башланып китте. Бүген укучылар экономика фәненнән олимпиадада көч сынаштылар.

2-11 нче сыйныфларда тимер юлларда куркынычсызлык кагыйдәләре буенча сөйләшүләр үткәрделәр.Укучыларның иминлеген тәэмин итү максатыннан үткәрелгән әлеге сөйләшү файдалы үтте.

15 нче сентябрь- Варислар туган көн. Шушы уңайдан бүген мәктәбебездә 5 нче сыйныф укучыларын "Чишмәкәй" балалар берлегенең Варисларына кабул иттеләр.Укучылар тантаналы төстә тырышып укырга, тәртипле булырга, Варисларның законнарын төгәл үтәргә сүз бирделәр.

Мәктәп радиосы аша тәнәфесләрдә Варислар турында мәгьлумат бирелде,җырлар тапшырылды.