Республика буенча узучы хәрби-патриотик уен "Аҗаган-2013" нең зона туры безнең мәктәбебездә үткәрелде.Уенда Шәмәрдән, Килдебәк, Лесхоз, Нырты һәм Явлаштау мәктәпләре катнашты. Уен бик оешкан төстә узды. Мәктәбебез укучылары да бу уенда сынатмады.

"Халыкта ир кеше үз гомерендә өй салырга, агач утыртырга һәм нәсел калдырырга тиеш дигән гыйбарә яши. Агачны һәммә кеше дә утырта ала. Ул синең киләчәк буынга, нәселеңне дәвам итүче балаларыңа зур истәлек. Дөрес, бүгенге заманда өй салу һәркемнең көченнән, матди хәленнән килмәскә мөмкин. Ләкин һәр ир кеше бу хыялын тормышка ашырырга тырыша. Хәзергә хыялымны компьютер программасы ярдәмендә тормышка ашырдым"- ди "Яшь программист" конкурсында катнашып, "Компьютерный дизайн" номинациясендә I урын яулаган укучыбыз Яруллин Айдар. Айдар сине чын күңелебездән зур җиңүең белән котлыйбыз. 

КФУ тарафыннан оештырылган "Татарстан Республикасы һәм татар халкының тарихы, мәдәнияте" темасы буенча үткәрелгән конференциядә мәктәбебез укучысы Балтачова Зөлфия II икенче урынга лаек булды. Ә аның җитәкчесе, тарих укытучысы Ярмиева Гүзәл Мәсгут кызына  Диплом тапшырылды.

Мәктәбебездә ел саен традиция буенча Нәүрүз бәйрәме үткәрелә.Быел да бу бәйрәм бик оешкан төстә үтте. Бәйрәм ярминкә белән башланып китте. Ярминкәдә   5, 6,7,8,10 нчы сыйныф укучылары аеруча актив катнаштылар. Нәүрүзнең төп оештыручылары 8 нче сыйныф укучылары иде. Ярминкәдән соң сүз аларга бирелде. Аларның җырлы-биюле музыкаль монтажлары һәркемнең күңеленә хуш килде. Соңыннан "Зур уен" булды. Һәр класс бер команда булып, үзләрен төрле дистанцияләрдә сынап карадылар. 

"Дәүләт символлары " дигән тема буенча мәктәбебездә парламент сәгатьләре узды.Укучылар Россия һәм Татарстан Дәүләт символларының барлыкка килү тарихы, аларның әһәмияте турында белемнәрен киңәйттеләр, тирәнәйттеләр.

Шәмәрдән лицеенда район һәм республика этабында призлы урыннар яулаган укучыларны һәм аларның укытучыларын котлау тантанасы булды.Бу тантанада безнең мәктәптән республикада һәм районда берничә призлы урын алган Балтачова Зөлфия һәм аның әти-әнисе, укытучысы Усманова Шәмсенур Гаязовна, 9 нчы сыйныф укучылары Сәйфуллин Ранил,Әхмәтгалимов Ранил, 11 нче сыйныф укучылары Мусина Рузилә, Минкабирова Рәлияләр катнашты.

Мәктәбебезнең 8 нче сыйныф укучысы Хафизова Нәргизә  Арчада уздырылган "Кеше һәм табигать" дип аталган фәнни-гамәли республика конференциясендә уңышлы чыгыш ясап "Туган төбәк экологиясе турында иң яхшы белемгә ия"номинациясендә дипломга лаек булды.Укытучысы Фәйзрахманова Нуркыя Мөхәммәтхановна.Нәргизәне уңышлары белән котлыйбыз.

Арташ җирлегендә Фәләхов Рифат Мәүлит улы истәлегенә  үткәрелгән татар-башкорт милли көрәшендә 1997 нче елгы егетләр арасында 60 кг лы үлчәүдә мәктәбебез укучысы Әхмәтгалимов Раил  I урын яулады.

1 нче сыйныф укучылары тәүге китап Әлифбаны тәмамлап "Әлифба" бәйрәме үткәрделәр. Бәйрәм, җыр,бию һәм шигырь белән үрелеп барып, бик күңелле үтте.

Район үзәгендә Армспорт буенча ярышлар үткәрелде.Мәктәбебез укучылары 7 нче сыйныфтан Фахертдинов Рөстәм, 45 кг үлчәү категориясендә  III урын, 8 нче сыйныф укучысы Газизов Рәдиф, 70 кг үлчәү категориясендә шулай ук III урынны яуладылар.