Явлаштау мәдәният йортында мәктәбебезнең математика укытучысы һәм тәрбия эшләре буенча директор урынбасары вазыйфаларын башкаручы Шигабиева Фәйрүзә Нурисламовнаның 50 яшьлек юбилее уңаеннан портрет-кичә үткәрелде.Бу кичәдә районнан профсоюз җитәчесе Гузялова Гөлнәзирә Мударисовна, хатын-кызлар советы рәисе Дания Муллануровналар катнашты. Юбилярны авылдашлары,үзе укыткан укучылары котлады.  

Районда үткәрелгән "Авылым: бүген һәм иртәгә"дигән конкурста инша номинациясендә Газиҗанов Илшат II урынны алды.Шулай ук проект эше номинациясендә Шәймуллина Ләйсән, Хәзиева Рәфиянең эшләре дә яхшы дип табылды.Алар грамота белән бүләкләнделәр.

Бүген бездә бәйрәм. Ак буранлы салкын кыш аенда безнең хөрмәтле укытучыбыз Фәйрүзә Нурисламовна үзенең олы юбилеен билгеләп үтә. Шул уңайдан аны укытучылар коллективы һәм укучылар котлады.

Балаларны бик-бик ярата ул,

Табигатьне үлеп ярата.

Ул- табигать кызы, иң гадие

Дияр идек аңа карата. 

"Ел укытучысы 2013" кысаларында башлангыч сыйныф укытучысы Шакирова Марсилә Мәҗитовна  " Jimdo.com бушлай сайт төзү конструкторында сайт ясау" темасы буенча мастер класс күрсәтте.

"Яңа стандартларга күчү үзенчәлекләре" темасы буенча укытучыларның чираттагы педагогик  киңәшмәсе үткәрелде.Педагогик киңәшмәдә Шакирова Земфира Ринатовна, Хәзиева Рәмзая Хамитовналар  тема буенча чыгыш ясадылар. Шакирова Марсилә Мәҗитовна мастер класс үткәрде.Яртыеллык нәтиҗәләре, алга куелган бурычлар, проблемалар, олимпиада нәтиҗәләренә анализ ясалды. 

12 нче гыйнвар көнне мәктәбебезнең 5 сәләтле укучысы Лесхоз бистәсендә үткәрелгән чыршы бәйрәмендә катнаштылар.

Кыш көне су коену бигрәк тә рәхәт! Үзебезнең Мишәдә түгел лә, бассейнда. Бүген 5 нче һәм 6 нчы сыйныф укучылары  бассейнга барды.

Лагерьның 6 нчы көне - сәяхәт көне.Укучылар башкалабыз Казанга сәяхәт кылды. Сәяхәтнең программасы бик кызыклы иде:  Г.Камал исемендәге театрда С. Хәкимнең "Искән җилләр көенә" спектаклен карау, 3 D форматындагы кинога керү, Бауман урамында ял итү, һ.б.

 Башлангыч сыйныф укучылары, Сабага  “Шатлык” театр коллективы куйган “Әй күңелле яңа ел!” дигән әкияти тамашаны карарга барды. Тамашада  алар үзләре  дә җырладылар, сөйләделәр, биеделәр. Кыскасы, әлеге әкияти тамаша балаларның күңелләрен тагы да  күтәреп җибәрде. 

Лагерьда ял итүче балалар боз сараена бардылар.