2014 нче елының 15 нче феврале соңгы Совет сугышчысы Әфган чиген атлап чыкканга 25 ел тулган көн. Шушы уңайдан   " Туган якны өйрәнү" түгәрәгендә йөрүче укучылар белән  "Әфган кызалаклары" темасы буенча кичә үткәрелде. Кичәдә Әфган җирендә булып кайткан авылдашыбыз Мөнир Кәрәм улы Газизуллин да катнашты

"2013-2015 нче елларда Татарстан Республикасында кулланучыларның хокукларын яклауның комплекслы системасын үстерү" программасы кысаларында үсеп килүче буынның белемен күтәрү максатында мәктәп укучылары өчен " Кулланучыларның хокукларын яклау" темасы буенча олимпиадада мәктәбебез укучысы Балтачова Зөлфия җиңү яулады. Бүген районның мәгариф бүлеге начальнигы Илфат Фоат улы Шакиров һәм Татарстан Республикасы Дәүләт алкоголь инспекциясе һәм кулланучылар хокукын саклау инспекциясе җитәкчесе Фәннүр Габдулбарович Хамматов мәктәбебезгә килеп, Зөлфияне шушы зур җиңүе белән котладылар.

Көч сынашу итә.Бүген турникта тартылу буенча ярышлар булды. 11 нче сыйныф укучысы Гыйльметдинов Айдар мәктәп буенча I урын, 9 нчы сыйныф укучысы Әхметханов Искәндәр II урын яуладылар.

Мәктәбебездә патриотик тәрбия һәм спорт-сәламәтлек айлыгы бара.Шул уңайдан 4-11 нче сыйныф егетләре арасында кышкы спартакиада  ярышлары башланып китте.Бүген егетләр шахмат буенча көчләрен сынаштылар.

Бүген Явлаштау авыл җирлегендә " Бөтенроссия чаңгы ярышлары-2014" көне үткәрелде. Чарада  I-XI сыйныф укучылары, педколлектив һәм хезмәткәрләр тулы составта катнаштылар.

Мәгариф хезмәткәрләренең кышкы Спартакиадасы тәмамланды.Мәктәбебез укытучылары да бу ярышлардан читтә калмады.Гомуми очколар буенча мәктәбебез 6 нчы урынга лаек булды.

Ленинград шәһәрен фашистлар блокадасыннан тулысынча азат иткәнгә 70 ел тулу уңаеннан һәм әлеге тарихи вакыйгаларны укучыларыбыз хәтерендә яңарту максатыннан мәктәбебездә "Ленинград камалышта" темасы астында дәресләр үткәрелде.