Иртәнге гимнастикадан соң, иртәнге ашны ашап алды та, математик газеталар чыгарырга тотындык, чөнки буген математика атнасының соңгы көне. Һәм без бу атнага нәтиңә итеп газета чыгарырга булдык. Һәр отряд үз газетасын бик кызыклы, эчтәлекле итеп чыгарырга тырышты. Газеталарны чыгарып бетергәч “100 гә 1” уенын уйнадык. Көнгезге аштан соң, балалар бик теләп урамга ашкындылар. Саф һәвада төрле- төрле хәрәкәтле уеннар уйнадык. Күңелебездә бары тик матур тәэсирләр генә калдырып лагерьның тагын бер көне үтеп тә китте. 

Яңгыр яву сәбәпле көнебез мәктәп эчендэ генэ утте. Мәктәп спортзалында әтиләр һәм балалар арасында футбол ярышы булып узды. Барлыгы 3 команда оешты. Беренче команда этилэр, икенче- өченче команда балалар командасы. Балалар өлкәннәргә бирешмәделәр, тырыштылар, ләкин беренчелекне әтиләр командасы яулады. Уен без көткәнгедән дә күңеллерәк узды.

Лагерьның һәр көне сизелмичә үтеп бара. Бүген “Математик табышмаклар” – бәйгесе булды. Балалар төрле- төрле матиматик табышмаклар чиштеләр.Иртэнге ашны ашагач, урамга чыгып “Җәйге калейдоскоп” темасына асфальтка рәсемнәр ясадылар. Әлеге бәйгенең җиңүчеләре- беренче урын- Галиева Гөлинә, Ганиева Адилә, ганиев Айдар, Хусаенов Рәлис. Икенче урын Ахмиева Гөлфизә, Яруллина Азалия. Өченче урын- Галимзянов Нурсиль, Шаймуллин Булат, Акбиров Альмир, Галимзянов Ризат булдылар.Рәсемнәр ясап бетергәч тә өйгә кайтырга ашыкмады балалар. Саф һавада кызыклы уеннар уйнадылар.Көндезге аштан соң, күнелле биюләр бии- бии өйләргә кайтыр вакыт килеп җиткәнен сизми дә калганбыз.

Бүгенге көн гадәттәгедән бөтенләй үзгә булды, чөнки янгыр яуды. Шунлыктан бүгенге көнне лагерь эчендә генә үткәрергә туры килде. Көндәге режим буенча иртәнге линейка, зарядка һәм аш булды. Иртәнге аштан соң,“Математик йомшак буын” – уенын уздырдык. Балалар бик теләп катнаштылар.Соңрак “Юл йөрү кагыйдәләре иле”нә сәяхәт иттек. Балалар юл йөрү кагыйдәлен искә төшерделәр, сорауларга җавап бирделәр. Балалар өчен бу бик кызык булды, алар күп кенә сорауларга дөрес, төгәл итеп җавап бирделәр. Шулай ук үзләрен кызыксындырган сорауларга җавап алдылар.“Хәерле балачак юллары” исемле рәсем конкурсы нәтиҗәләре буенча түбәндәге укучылар призлы урыннар яулады: беренче урын- Хусаенов Рәлис, икенче урын- Ахмиева Гөлфизә, өченче урын- Мөхлисуллина Фәридә.Көнебез көндезге аштан соң, спортзалда хәрәкәтле уеннар белән дәвам итте. “Самовар”, “Буяулы”, “Йөзек салышлы”, “Сантики- фантики”, “Аю- бүреле” уеннарында балалар бик теләп катнашты. Күңелебездә матур тәэсирләр генә калдырып лагерьның тагын бер көне үтеп тә китте.

Бүген без балалар белән мәдәният йортына бардык. Анда безгэ Әхмәтҗанова Гәүһәрия апа, Галиева Тәгъзимә апа һәм  Явлаштау авыл фельдшеры Валиева Ризидә апа “Наркомания- афәт ул”  темасына багышланган әнгәмә уздырдылар. Аннан узебезнең лагерьга кайткач наркомания темасына рәсемнәр конкурсы оештырдык. Балалар бик кызыксынып рәсемнәр ясадылар. Беренче урынга Г. Гөлинә һәм А. Гөлдания, икенче урынга М.Фәридә, Г.Мөслимә, Б.Миләушә, А.Гөлфизә, өченче урынга Ш.Айзилә, Н.Альбина  ия булды. Икенче иртәнге аштан соң, “Җырлыйк әле” уенын уйнадык. Балалар бик теләп, рәхәтләнеп кушылып  җырладылар. Бөтенесе бергә дә, отрядлап кына да һәм узе генә дә җырларга теләк белдерүчеләр булды. Көндезге аштан соң, саф һавада төрле кызыклы, хәрәкәтле уеннар уйнадык. Менә шулай күңелле вакыйгалар белән лагерьның тагын бер көне үтеп тә китте. 

Мәктәп яны лагере үз эшен дәвам итә. Беренче атна- экологик тәрбия һәм сәламәтлек атналыгы сизелмичә дә үтеп китте. Бүген икенче атнабыз- математик атналыга башланып китте.  Балалар бик теләп йөриләр. Бүген без урман буенча сәяхәт иттек.  Саф һавада төрле кызыклы, хәрәкәтле уеннар уйнадык, табигый материаллар җыйдык. Көндезге аштан соң, “Табигать һәм фантазия”- табигый материаллардан ясалган әйберләр бәйгесен уздырдык. Менә шулай төрле вакыйгалар белән лагерьның тагы бер көне үтеп тә китте.

Сабантуй бәйрәмнәрен күңелле генә уздырып җибәрдек тэ тагы мәктәпкә лагерьга җыелдык. Сабантуйда булган күңелле мизгелләрне тагы бер кат искә төшерә- төшерә эшлэдек. Көндезге аштан соң, Лесхоз боз сараена юл тоттык. Анда да бик күнелле генә ял итеп ойләргә таралдык. 

Иртәнге гимнастикадан соң, иртәнге ашны ашап алдык та, милли бәйрәм Сабантуй темасына рәсемнәр ясадык. Аннары җырлы- биюле уеннар уйнадык. Көндезге аштан соң, зарыгып көтеп алган Лесхоз боз сараена юл тоттык. Барыбызның да күңелләре көр. Җырлый- җырлый барып җиткәнебезне сизми дә калганбыз. Җәйге эссе көндә боз өстендә шуу үзе бер мөгҗиза. Боз сараеннан кайтасы да килмәде. Көнебез бик күңелле үтте. Иртәгесе көнгә планнар корып өйләргә таралыштык. 

Лагерьның  һәр көне сизелмичә дә үтеп бара. Бүгенге көннең күп өлеше саф һавада узды. Балалар болын  чәчәкләреннән  матур- матур букетлар җыйдылар. “Иң матур букет” конкурсында Багутва Миләүшә беренчелекне яулады. “Иң зур букет” конкурсында Галиева Гөлинә беренчелекне алды. Калган кызларыбыз һәм малайларыбыз да алардан калышмадылар. Һәммәсе узенчәлекле, матур букет бәйләме җыйды. Аннанры куңелле хәрәкәтле уеннар белән бүгенге көнебез узып китте. Көндезге аштан соң, дискәтүктә күңел ачып балалар күтәренке кәеф белән өйләренә таралыштылар. 

Чишмәләрнең саф суы сусауны гына басып калмый, тәнгә сихәт бирә, көч кертә. Аның янына туктап бит- кулыңны юсаң, уч тутырып су эчсәң, өстән йөк төшкәндәй була, җиңеләеп каласың. Күрәсен, шуңадыр кешелек дөньясы элек- электән чишмәләргә игьтибарлы булган. Аларны чистарту, төзекләндерү һәм тәрбияләп тору изге эш, әҗер-савап саналган. Шушы максат белән без дә Явлаштау авылы чишмәләренә сәяхәткә киттек. Балалар чишмәләр янына барып, алар белән “сөйләштеләр”, “хәл- әхвәлләрен” белештеләр. Ә иң зур ярдәмнәре булып-бөтен чишмә буйларын пычраклардан чистарту булды. Тирә-якта килешсез яткан агачларны да читкә алып куйдылар. Чишмә яннарын чистартып алгач, балаларнын үзләренә дә рәхәт булып китте. Тагын шушында килергә дип сүз куешып, лагеребызга кайтып киттек.