7 нче сыйныф укучылары белән "Кошлар безнең дусларыбыз" темасы буенча сыйныф сәгате үткәрелде.Укучылар кошлар турында видео карадылар, үзләренең фикерләре белән уртаклаштылар.Видеоязмадан төрле кошларның тавышларын тыңлап хозурландылар.

I сыйныф укучылары авыл китапханәсенә экскурсия ясадылар. Китапханәче апалары аларны матур яңа китаплар белән таныштырды. Китапларны саклап, кадерләп тоту кирәклеге турында әңгәмә үткәрде.Балаларга экскурсия бик ошады.

Пожар куркынычсызлыгы буенча үткәрелгән район конкурсында 5 нче сыйныф укучысы Аухадиев Фидәрис III урын яулады һәм шахмат белән бүләкләнде.

Бүген 6 нчы сыйныф укучыларының әти-әниләр җыелышы үткәрелде. Әти-әниләр Сингапур структурасы буенча төзелгән математика дәресен карадылар.

Мәктәп яны участогын ямьләндерү максатыннан алдан ук әзерлек эшләре башланды. Һәр сыйныфка чәчәргә чәчәк орлыклары бүленеп бирелде. Чәчәкләр матур гына булып тишелеп чыктылар.Хәзерге вакытта аларны күчереп утырту эшләре бара.

Бүген мәктәбебездә Казан кооператив институты студентлары 11 нче сыйныф укучылары белән очрашу үткәрделәр. Очрашуда сүз институт тарихы, нинди белгечлекләр алырга мөмкин, уку шартлары, керү имтиханнары һ.б. лар турында барды. Укучылар үзләрен кызыксындырган сорауларга җаваплар таптылар.

" Тотальный диктант" - ежегодная образовательная акция, призванная привлечь внимание к вопросам грамотности. И в нашей школе прошла акция, где написали диктант все желающие.

Космонавтика көне уңаеннан, 11 нче сыйныф укучылары белән  укучылар конференциясе үткәрелде.Конференциядә авиация тарихы, беренче косманавт, "Космосны өйрәнү нигә кирәк?" һ.б. темалары яктыртылды.

 Бүгенге сыйныф сәгатьләре  Космонавтика көненә багышланды. 9 нчы сыйныф укучылары белән "Галәмдә беренче хатын-кыз" темасы буенча телдән журнал үткәрелде.Укучылар очучы-космонавт Валентина Терешкованың тормыш юлы белән таныштылар.

Бүген китапханәче Фаваризова Гөлнирә Галимҗан кызы башлангыч сыйныф укучылары белән " Күп укыган-күп белгән" дип аталган кичә үткәрде.