Бүген мәктәбебез укытучылары "Казан" агропромышленность паркында ярминкәдә катнаштылар.Мәктәбебез коллективы шәһәр халкына пешкән ризыклар тәкъдим итте, тәмле коймак һәм чәй белән сыйлады.

Мәктәбебез укытучылары Файзыханова Айсылу Ильясова, Фәйзрахманова Нуркыя Мөхәммәтхановна, Гыйбадуллин Зөлфәт Фоатович, Фазыйлов Илнур Илсуровичлар район командасы составында Казан шәһәренең Үзәк стадионында мәгариф хезмәткәрләренең җәйге Спартакиадасының финалында катнашып кайттылар.Сабалылар 48 команда арасында 5 нче урында.

Коллективыбыз белән Укытучылар көне уңаеннан табигать кочагында ял иттек. Табигатьнең сары киемгә төренгән мизгелен күзәтү күңелләргә бер рәхәтлек тә, рухи байлык та бирде.

Табигатьтән сезгә илһам иңгән,

Сез сабырлык, гыйлем үрнәге.

Белем дигән илне якын итеп

Яулагансыз текә үрләрне.

Мәктәбебездә Укытучылар бәйрәме тантаналы төстә билгеләп үтелде. 10 нчы сыйныф укучылары җитәкчелегендә зур концерт оештырылды. 

Бүген башлангыч сыйныф укучылары үзләренең әби-бабайларын өлкәннәр көне белән котладылар. Аларга үз куллары белән ясаган бүләкләр тапшырдылар, зур концерт күрсәттеләр.

Мәктәбебезнең профком рәисе Шакирова Марсилә Мәҗит кызы  җирле үзидарә рәисе Файзуллин Наил Файзелхак улы белән берлектә ветеран укытучыларыбызның өйләрендә булдылар. Аларны өлкәннәр көне белән котлап, бүләкләр тапшырдылар

Районыбызда традициягә әйләнгән бәйрәмнәр саны арта бара. Кабак бәйрәме - шуларның берсе. Мәктәбебез укытучылары һәм укучылары бу бәйрәмне үткәрүдә актив катнашты.

Бүген мәктәбебез укучылары арасында иң-иң җитезләре районда үтә торган көзге кросста катнашалар. Аларга уңышлар телибез.

Бүген Тәгъзимә Айратовна 4 нче сыйныф укучылары белән "Әбием алтыным" дип исемләнгән җыен үткәрде.Укучылар үзләренең әбиләре турында сөйләделәр, тиздән билгеләп үтеләчәк Картлар көне уңаеннан әбиләренә үз куллары бәлән бүләкләр әзерләделәр.