Киләсе елга тәүге тапкыр мәктәп бусагаларын атлап керергә тиешле балаларның әти-әниләр җыелышы үткәрелде. Әти-әниләр балаларын мәктәпкә кабул итү турында гариза яздылар, мәктәп документлары белән таныштылар.

Габдулла Тукайның тууына 128 ел тулу уңаеннан китапханәче Фаваризова Гөлнирә Галимҗан кызы Габдулла Тукайның тормыш юлы һәм иҗаты буенча бик бай эчтәлекле күргәзмә оештырды.

Башлангыч сыйныф укучылары мәдәният хезмәткәрләре белән берлектә "Тукай безнең күңелләрдә" дип исемләнгән әдәби кичә оештырдылар.

"Филология,сәнәгатъ,тарих: яңа караш" дип исемләнгән I зона фәнни-гамәли конференциясендә мәктәбебез укучылары  Хафизова Нәргизә, Шәймуллина Ләйсән, Хазиева Рәфияләр катнашып, уңышлы чыгыш ясадылар. Шәймуллина Ләйсән III урынга лаек булды.

Өстәмә белем бирү педагоглары өчен "Сәләтле балачак-өметле киләчәк" конкурсының "Остаз" номинациясендә "Туган якны өйрәнү" түгәрәге җитәкчесе Ярмиева Гүзәл Масгутовна һәм "Илһамият" түгәрәге җитәкчесе Галиева Гөлназ Хәмитовна түгәрәк эшчәнлеген яктыртып эшләгән презентацияләре белән уңышлы чыгыш ясадылар.

Сегодня в центре творчества прошел конкурс "Живая классика". Из нашей школы участвовала ученица 6 класса Галимзянова Илюза. Она прочла отрывок из произведения Н.Носова "Клякса", была награждена дипломом за активное участие.

Бүген 9 нчы сыйныф укучыларының әти-әниләр җыелышы булды.

Бакчада язгы эшләр башланып китте.Бүген 8 нче һәм 10 нчы сыйныф укучылары мәктәп участогында, эри алмыйча яткан, карларны тараттылар.

Бөек шагыйребез Габдулла Тукайның туган көнен һәр елны зурлап искә алабыз. Быел да бу бәйрәмгә әзерлек эшләре күптән башланды. Бүген башлангыч сыйныф укучылары Г.Тукай сүзләренә язылган җырларны кабатладылар, шигырьләр сөйләделәр.

Мәктәбебездә Тимурчылык эше киң җәелдерелгән. Укучыларыбыз һәр атнада үзләренә беркетелгән ялгыз әби-бабайларның хәлләрен белеп, аларга ярдәм итеп  торалар. Бу атнада 8 нче сыйныф укучылары Сәвия әбигә барып, хуҗалыктагы көчләре җитәрдәй эшләрне башкарып кайттылар.