Авылыбыз балыклы суга бик бай. Шуны истә тотып, бүген “Балыкчылар” көне үткәрергә уйладык. Һәр бала өйләреннән кармаклар, җимнәр алып килделәр. Су буенда малайларыбыз һәм кызларыбыз  балык тоттылыр, балык тоту серләренә төшенделәр.Кызлар да малайлардан калышмады. Малайлар арасында иң күп балык тотучы Акбиров  Альмир -13 балык тотып, беренчелекне  яулады.Иң зур балыкны Шириев Рәдиф, иң кечкенә балыкны Ганиев Айдар тотты.Арып- талып балык тотудан кайткач, балалар тәмләп ашадылар, ял иттеләр. Бер-берсенә хат аша сәламнәр җибәрделәр. Шулай итеп, көннең үтеп киткәне сизелми дә калды.

Мәктәп яны лагере үз эшен дәвам итә. Укучылар бик теләп йөриләр, чөнки көн саен кызыклы чаралар булып тора.  Бүгенге көн “Бантаклар” көне дип игълан ителгән иде. Кызлар бу көнгә бик нык әзерләнгәннәр. Чәчләренә төрле төстәге бантиклар бәйләгәннәр, хәтта, күлмәкләренә, кулларына такканнар. Бу көнне бантик таккан кызлар һәм бердәнбер малаебыз  Илфар төрле төстәге җәйге күбәләкләрне хәтерләтәләр иде. Җиңүче кызыбыз Яруллина Азалиянең 52 бантигы бар иде. Уен азагында иң үзенчәлекле һәм иң күп бантик тагучыларга бүләкләр тапшырылды. “Экологик марафон” бәйгесе узды. Бу бэйгедә Фахертдинов Нурсил иң күп сорауларга җавап бирде. Икенче иртәнге аштан сон, “Йомшак буын” уены булды. Көндезге аштан соң, балалар саф һава да хәрәкәтле уеннар уйнадылар. Көннәр арты көн үтсә дә, һәр көн күңелдә тирән эз булып уелып кала: күпме күңелле чаралар, никадәр очрашулар, күпме бүләкләр.

Хезмәт һәм ял  лагеренда ял итүче балалар үзләренең ялларын хезмәт белән бәйләп алып баралар.Бүгенге көн дә бик мавыктыргыч һәм нәтиҗәле узды. Көннәр бик эссе булуга да карамастан укучылар мәктәп яны тәҗрибә участогында бик тырышып эшләделәр. Аннары "Авылыбыз тарихы" дигән темага әңгәмә булды.Төшке аштан соң, волейбол уеннары булды.

Мәктәбебез укытучылары бик бердәм, тырыш һәм иҗади. Бакчаны чәчәкләргә күмү идеясе белән янып, бүген кичке сәгать 7 дә кабат мәктәпкә җыелыштык.Бик тырышып эшләп, үзебезнең "альпийская горка" бызны булдырдык.

<span times="" new="" roman',="" serif;="" font-size:="" 16pt;="" line-height:="" 115%;"="">Бүген дә балалар шау- гөр килеп лагерьга җыйналдылар. “Мишә” ял һәм саләмәтләндерү лагерында ял итүчеләр өчен табигать бүген дә бик матур җәйге, кояшлы көн бүләк итте. Көндәгечә режим буенча иртәнге линейка, зарядка һәм аш булды.  Фельдшер Резедә апа гигиена кагыйдәләрен кабат исебезгә төшереп, безнең чисталыгыбызны тикшерде, үлчәде.  Мәдәният йорты хезмәткәрләре Әхмәтҗанова Гәүһәрия һәм Галиева Тәгъзимә катнашында “Сәламәтлегең - үз кулыңда” дигән темага чара уздырылды. Икенче ашаудан сон, “Исәнме, җәй!”- лагерны ачу тантанасы булды. Көндезге аштан сон, “Сәлам юллыйм” дип исемләнгән уен уйнадык. Көнгә нәтиҗә ясап, һәммәбез дә канәгәть булып өйләребезгә таралыштык.

Бүген мәктәбебездә берьюлы ике лагерь эшли башлады: "Мишә" һәм " Дулкын". " Мишә" лагерында башлангыч сыйныф укучылары ял итә һәм сәламәтлекләрен ныгытса, "Дулкын" лагерына йөрүче балалар ялларын хезмәт белән бәйләп алып бара.

20 майдан 26 июньгә кадәр Республика буенча  " Наркотикларсыз тормыш" дигән акция үтә.Шул уңайдан үткәрелгән әти-әниләр җыелышында прокурор ярдәмчесе Фәйзетдинова Энҗе Тәлгатовна, Саба үзәк хастаханәсе врач-наркологы Хабибуллин Фәрит Наилович һәм участок инспекторы наркотикларның ни дәрәҗәдә куркыныч булуы, аларга каршы профилактик чаралар турында биик эчтәлекле чыгышлар ясадылар.

Бүген 5-6 нчы сыйныф укучылары Казан шәһәренең истәлекле урыннарына сәяхәт ясадылар.

Бүген чыгарылыш сыйныф укучылары өчен соңгы кыңгырау яңгырады.

Кайчан гына бу көн бик еракта иде,

Килеп җитмәс кебек тоелды.

 Күңелемә мәктәп балачактан,

   Китмәс өчен кереп уелды.

                 Хуш мәктәбем, дуслар, остазларым,

                 Балачагым, яшьлек, мәхәббәт!

                 Барлык хисләр монда ихлас һәм чын,

                 Бөтенесе өчен мең рәхмәт, - диләр 11 нче сыйныфны тәмамлаучы укучылар.

11 нче сыйныф укучылары үзләренең балачакларын, мәктәп елларында булган кызыклы вакыйгаларны хәтерләрендә яңартып "Әй күңелле балачак" дип исемләнгән күләмле газета чыгардылар.