"Дару үләннәре җыю" акциясендә катнашып, мәктәбебез укучылары каен, нарат бөреләре җыюда зур активлык һәм оешканлык күрсәттеләр.

Әбрар Кәримуллин исемендәге фәнни-гамәли конференциядә катнашып, мәктәбебезнең 10 нчы сыйныф укучысы Хафизова Нәргизә, җитәкчесе Усманова Шәмсенур Гаязовна, I урынга лаек булды һәм беренче дәрәҗә диплом белән бүләкләнде.

Бүген 6 сыйныф укучысы Ахмиева Гөлфизә һәм 7 сыйныф укучысы Галиев Рәнис  "Физика елы" уңаеннан районда  оештырылган "Физический бум" дип исемләнгән конкурс-уенда катнаштылар.

Лесхоз бистәсендә үткәрелгән шахмат ярышында  4 нче сыйныф укучылары Ганиев Айдар, Газизуллин Айназ, 5 нче сыйныф укучылары Әхәтова Гөлдәния , Шакиров Илгиз катнаштылар. Шакиров Илгиз белән Ганиев Айдар барлыгы 7 партия уйнап, шуның 5 уенда  җиңүгә ирештеләр.

Нәүрүз - борынгы әби-бабаларыбыз үткәргән язны каршылау бәйрәме ул. Бу сүз фарсы телендә “ яңа көн” дигәнне аңлата. Урта Азияда, Иранда Һәм башка илләрдә борынгыдан килгән Яңа елны каршылау бәйрәме ул. Нәүрүз көн белән төн тигезләшкән чорга 21-22 мартка туры килгән. Шул уңайдан бүген мәктәбебездә бәйрәм чаралары үтте: ярминкәләр оештырылды, казанда карга боткасы пеште, укучылар төрле спорт уеннарында катнаштылар.

Мәктәбебездә "Балалар китабы" атналыгы башланып китте . Шул уңайдан китапханәчебез Фаваризова Гөлнирә Галимҗан кызы бик мавыктыргыч итеп балалар китапларыннан күргәзмә оештырды.

6-7 нче сыйныф укучылары арасында "Иң акыллы укучы" дип аталган интеллектуаль уен үткәрелде. Укучылар һәр фәнгә караган сорауларга җавап бирделәр.

Гомере буе Мишәбаш башлангыч мәктәбендә нәниләрне укырга, язарга өйрәткән Шакирова Дания Фәсхиевнага 85 яшь тулды. Явлаштау урта мәктәбе профсоюз комитеты һәм мәктәп директоры Гибадуллин З.Ф., тәрбия эшләре буенча директор урынбасары Шигабиева Ф.Н. юбилярны тәбрикләделәр.

Еллар кырыс, мәрхәмәтсез —
Маңгайга сырлар сала.
Тик йөрәк гел унсигездә,
Мәңге яшь булып кала.

5 нче сыйныф укучылары белән "Без бит китап докторлары" дип исемләнгән кичә үткәрелде.