Бүген 7-11 сыйныф укучыларының Яңа ел бәйрәме үтте. Һәр класс үзенчәлекле костюмнардан киенеп бик матур концерт номерлары, уеннар әзерләделәр. Бәйрәмдә уку алдынгыларын, олимпиада да яхшы нәтиҗә күрсәткән укучыларыбызны тәбрикләү булды. Яңа ел бәйрәме бик күңелле үтте.

Укучыларыбыз һәм укытучыларыбыз көче белән мәктәбебез ишегалдында кар сыннары ясадык.

Бүген мәктәбебездә "Семицветик" үзәгеннән килгән психологлар белән очрашу узды. 1, 5, 9,11 класс укучылары өчен үткәрелгән тренинглар кызыклы һәм мавыктыргыч булды.

Бүген мәктәбебездә  балигъ булмаган балалар белән эшләүче Сибагатов Айгиз Әнәсович белән очрашу үтте. Ул балаларга юлда йөрү кагыйдәләрен, караңгы вакытта яктылыкны кире кайтаручы элементлар һәр баланың киемендә булдырылырга тиешлеге турында искәртте. Урамда һәм җәмәгать урыннарында балаларны тәртипле булырга чакырды. 

 Эзмә урта мәктәбендә үткәрелгән "Веселые старты" конкурсының зона этабында безнең мәктәп укучылары II урынга лаек булдылар. Шимбә көнне үткәреләчәк район этабында да аларга уңышлар теләп калабыз.

Район күләмендә инвалид балалар арасында үткәрелгән шашки ярышларында безнең мәктәп укучылары да актив катнашты. Үз яшендәгеләр арасында Назипов Рамазан 4 нче урын яулады. 

Мәктәбебезнең башлангыч сыйныф укучылары Шәүкәт Биктимеров исемендәге театр конкурсына Габделхәй Сабитовның "Ай сукмагы" исемле әкиятеннән өзек сәхнәләштерделәр.

Мәктәбебез укучылары арасында “Әниемнең елмаюы” дип аталган акция үтте. Укучылар акциядә бик теләп катнаштылар. Иң яхшысы дип 6 нчы сыйныф кызлары Сабирҗанова Алия, Галиева Гөлинә, Ахатова Гөлдәнияләр  чыгарган стенгазета табылды.

Бүген мәктәбебездә әниләр көне уңаеннан "Ана - бөек исем" дип аталган әдәби музыкаль кичә үткәрелде. Әниләренә булган ярату, хөрмәт хисләрен укучылар җыр-биюләре һәм спектакльдән өзекләр аша җиткерделәр.