Илдә кояш, җирдә кояш,

 Тукай көне канат җәйгән.

 Бәйрәм бүген, бәйрәм бүген,

 Тукай көне – безнең бәйрәм!

  Иң матур, моңлы җырларны

  Халыкка бирде Тукай.

  Моңнары белән мәңгегә

  Йөрәккә керде Тукай

26 нчы апрель көнне мәктәбебездә волейбол уеннарының зона этабы узды. Командалар бик тырышып уйнауга карамастан, уен ахырында җиңү түбәндәге командаларга елмайды:

Егетләр командалары арасында:

I урын – Явлаштау урта мәктәбе

II урын – Шекше урта мәктәбе

III урын – Шәмәрдән лицее

Кызлар командалары арасында:

I урын – Явлаштау урта мәктәбе

II урын – Шәмәрдән лицее

III урын - Иштуган урта мәктәбе

Барлык командаларны зур җиңүләре белән котлыйбыз һәм финал уеннарында уңышлар телибез!

   21 нче апрель көнне мәктәбебезнең 11 нче сыйныф укучысы Галимҗанова Рәфидә Казан шәһәрендә үткән республикакүләм “Илһам” яшь язучылар бәйгесенең йомгаклау этабында катнашты. Ул анда лауреат дипломы һәм истәлекле бүләкләр белән бүләкләнде. Афәрин, Рәфидә, котлыйбыз!

   Бүген мәктәбебездә Саба муниципаль районы башкарма комитетыннан вәкил - Исхакова Альбина Раиф кызы балалар белән очрашу үткәрде. Әңгәмә барышында ул укучылар тарафыннан ясалган хокук бозу очраклары турында сөйләп, эчтәлекле видеосюжет күрсәтте, балаларны вакытны әрәмгә уздырмыйча, тырышып укырга өндәде. Шулай ук юлда йөрү кагыйдәләре, бигрәк тә җәйге чорда велосипедта йөрү турында сөйләп, укучыларга  кагыйдәләрне төгәл үтәргә кирәклеген ассызыклады, терроризм турында аңлатты, 71 нче Закон турында искәртте, укучыларның сорауларына җаваплар бирде. Әлеге очрашу укучыларыбыз өчен бик файдалы һәм үтемле булды.

21 апрель көнне Явлаштау урта мәктәбендә “Спортивный Татарстан” акциясе кысаларыда волебол ярышларының зона этабы үтте. 6 мәктәптән малайлар һәм 5 мәктәптән кызлар командалары үзара көч сынашты. Урыннар түбәндәгечә булды:

Егетләр командалары арасында:

1 урын- Шәмәрдән лицее

2 урын- Явлаштау урта мәктәбе

3 урын-Шекше төп мәктәбе



Кызлар командалары арасында:

1 урын- Шәмәрдән лицее

2 урын-Иштуган урта мәктәбе

3 урын- Явлаштау урта мәктәбе

Молодцы, барлык командаларны да чын күңелебездән котлыйбыз!

   20 апрель көнне Явлаштау урта мәктәбендә Бөтендөнья донорлар көненә багышлап, күп еллар Явлаштау авылында фельдшер булып эшләгән Фәйзрахманова Нуркыя Мөхәммәтхан кызы “Кровь во имя жизни” темасы астында дәрес үткәрде. Дәрестә ул балаларга донорлыкның кеше гомерен саклап калудагы әһәмияте, кан группалары, кан бирүнең кирәкле һәм  файдалы булуы турында сөйләде.

  19 нчы апрель көнне  Явлаштау урта мәктәбендә “Доброволец в центре информации” акциясе үтте. Дәрестән тыш вакытта балалар “Государственные услуги” сайтына керергә, андагы мөмкинлекләрдән файдаланырга өйрәнделәр. Аларның максаты - коммуналь хезмәтләр өчен түләүдә өлкәннәргә ярдәм итү.

   Үз тарихын белмәгәннең - киләчәге юк, диләр. Бүген эзтабарлар белән мәктәп музеена экскурсия үткәрелде. Алар дүрт бүлектән торган әлеге мәктәп музеендагы экспонатлар белән таныштып, үзләренең әби-бабайларының үткәне турында күп мәгълүмат алдылар.