Бүген кечкенәләр төркеме балалары белән кызыклы музыкаль-дидактик уеннар уйналды.
Уен барышында балалар музыка коралларына кызыксыну уяткан "Күңелле кубиклар" уенында коммуникатив күнекмәләр һәм бер-берсенә дустанә мөнәсәбәт тәрбияләнде.

Бүген беренче кечкенәләр төркемендә сөйләм үстерү шөгыле "Әминәнең туган көненә" дигән темага узды. Балалар белән аралашып савыт - сабаларны белдерә торган сүзләр хисабына сүзлекне киңәйтү булды. 
Җырлы биюле уен "Ак калач", дидактик уен "Серле капчык" уеннарын яратып уйнадылар.

Ана телебездә матур итеп аралашу өчен, балалар туган телебездә авазларны дөрес итеп әйтә белергә тиеш. Авазлар һәм сүздәге  аваз төзелеше белән балаларны таныштыру-бик мөһим мәсьәлә. Бүгенге башлангыч грамотага өйрәтү эшчәнлегендә мәктәпкә әзерлек  төркеме балаларны "у"авазы  белән таныштылар, "тукран" сүзендәге  тартык һәм сузык авазларны  ачыкладылар.

Без зурлар төркеме "балаһөнәр" проекты белән танышу максатыннан спорт мәктәбендә булдык. Проектның һәр катнашучысы буларак үзебезгә уңай эмоцияләр алдык. Балалар биредә хезмәтнең бөтен үзенчәлекләре белән таныштылар һәм үзләредә әлеге һөнәрнең үзәгендә булдылар, нинди җаваплы хезмәт булуын аңладылар.

Бүген без балалар белән Россияның гербы,аләме,гимны, аның гүзәл табигате һәм Россия-башкаласы –Мәскәү белән таныштык. Россия- зур дәүләт дигән темага рәсемнәр карадык, дидактик уеннар белән белемнәребезне ныгыттык.

Дидактик уеннар - балаларны уйланырга, эзләнергә, фикер тупларга, берләштерергә, күнекмәләрне тормышта кулланырга өйрәтүче һәм тәрбия бирүче көчле чараларның берсе.
Иң кечкенәләрнең беренче кечкенәләр төркеме нәниләренең сөйләмен, игьтибарын, бармаклар, кул чукларының моторикасын үстерү максатыннан төрле вкладышлар, шнуровкалар белән уеннар оештырыла.

Икенче кечкенәләр төркеме балалары кыска әкиятләр сөйләп, әкият геройларына үзләрен кызыксындырган  сорауларын биреп, вакытларын файдалы һәм күңелле итеп үткәрәләр.

Әвәләү балаларның вак моторикасын үстерергә, кул чукларының хәрәкәтен камилләштерергә мөмкинлек бирә. Бу үз чиратында баланың уйлау һәм сөйләм үсешенә унай йогынты ясый. Әвәләү өчен искиткеч жиһаз ул - пластилин.

Без балалар бакчасында ком терапиясе белән шөгыльләнәбез. Ком терапиясе балаларның эмоциональ торышына файдалы йогынты ясый. Ә комлы уеннар балага тулы шәхес булырга ярдәм итә, балаларга зур ләззәт бирә һәм психикасына файдалы йогынты ясый, киеренкелекне җиңеләйтә, тискәре эмоцияләрне сүндерә һәм сабырлыкка өйрәтә. 

Бармак уеннары сабыйлар усешендә зур роль үти. Андый уеннар баланың баш миен эшләтә һәм тизрәк «телен ачарга» ярдәм итә.

      Сабый әле бик кечкенә булганда, аның бармакларын сыйпарга кирәк, уч төбенә узегезнең бармагыгызны куярга мөмкин-ул үзенә күрә массаж була.

   Бала үсә бара, бармак уеннарына күчә алабыз, моның өчен безгә татар халык иҗаты ярдәмгә килер:):

Бу бармак-бабай,

Бу бармак-әби,

Бу бармак-әти,

Бу бармак-әни,

Бу бармак-нәни бәби,

Аның исеме- чәнти!