Көчле, нык булып, чыныгып үсү өчен көндә спорт белән шөгелләнергә кирәк. Менә бүген дә без Татарстан кроссында катнашырга әзер.

Бәйрәм бүләксез буламыни? Әлбәттә, юк. Йөгерештә катнашкан һәр бала бүләкле булды.

Кырлар буш кала,

Яңгырлар ява.

Җирләр дымлана,-

Бу кайчак була?

Бүген кечкенәләр янына Куянкай  кәрзин тутырып яшелчәләр алып килде. Балалар помидорның формасын , төсен , тәмен һәм яшелчәләрнең никадәр файдалы икәннәре белән таныштылар.

 Бүген бакчабызда "Саулык-зур байлык", "Спорт -сәламәтлек чыганагы" дип аталган атналыкны йомгаклау чарасы итеп  балалар белән бергә "Күңелле стартлар" уздырдык . Балалар барсыда бик теләп кыршау эчендә, чүгәләп йөрү, кыршау эченнән сикереп йөрү, тупны бер кул белән тәгәрәтеп йөрү һ.б.  күнегүләрне бик теләп эшләделәр. "Хәрәкәттә-бәрәкәт"-дип, юкка әйтелмәгән . Барыбызда хәрәкәттә булыйк һәм авырмыйк.

Бүген "Миләшкәй" балалар бакчасында ата-аналар җыелышы уздырылды.  Җыелышта бакчада тәрбияләнүче 14 баланың да әти-әнисе  катнашты. Түләү мәсәләләренә кагылышлы сорауларга җаваплар алдылар, бакчаның тәрбия һәм белем бирү программасы, программа нигезендә куелган таләпләр белән танышып үттеләр. Анкета сорауларына җаваплар бирделәр. 

Сәламәтлеккә кояшның ни кагылышы бар соң? Кечкенәләр белән рәсем ясау ярдәмендә шушы сорауга җавап эзләдек.

Зур төркем балалары үзләренең яраткан спорт төрләрен кисеп ябыштыру һәм рәсем ясау алымнары белән күрсәтергә тырыштылар. Сәламәтлек бик кирәк һәм шуңа аларның кайсы футбол тибә, ә кайсы туп белән еш уйнарга ярата, сикергечтә дә сикерәләр.

Сәламәт булыйк,-дисәк

Көч җыек без бергәләп.