Бу атнада балалар белән  "Юлларда иминлек кирәк " темасы буенча сөйләштек. Балаларның юл йөрү кагыйдәләре турында фикерләү сәләтен, игътибарны  үстерү, юлларда сак булырга,  җәмәгать транспортында, торак зоналарында  үз-үзеңне тоту кагыйдәләрен, транспорт төрләрен (су, коры җир, һава, тимер юл), юл билгеләрен ("Тыючы", Мәгълүмат ", Кисәтүче", "Боеручы", "Хезмәт күрсәтүче" ) билгеләрен аерырга,  мәкальләр, табышмаклар, шигырьләр өйрәндек.

Бүген Энҗенең туган көне. Аңа бүген 4 яшь тулды.

                   Энҗе!

Бүгенгедәй сөйкемле бул;

Бүгенгедәй бәхетле бул!

Җәй гөлләре үскәндә дә,

Яз яфраклар ярганда да,

Көз җилләре искәндә дә,

Җиргә карлар яуганда да!

Иң изге теләкләр белән апаларың һәм дусларың.

Бүген 28 декабрь көнне "Миләшкәй" балалар бакчасында "Бәхет-шатлык алып кил син,Яңа ел!" дип исемләнгән  бәйрәм кичәсе булып узды. Бәйрәмгә  барлык әти-әниләр һәм әкият геройлары - Шүрәле белән Былтыр да  килгәннәр иде. Бәйрәмебез  бик күңелле  үтте. Барыгызныда якынлашып килүче Яңа еллар белән тәбрик итәбез!!

Искә төшә балачакның
Шау-шулы бәйрәмнәре,
Яшел чыршы әйләнәли
Яңа ел түгәрәге.

Ак карлардай ак бәхетләр
Телибез яңа елда.
Сөенечләр, куанычлар,
Сез дусларга.

Күз алдымнан бер дә китми
Балачак Кыш бабае.
Шундый матур Кар кызларын
Хәзер кайдан табасың?

Ак карлардай ак бәхетләр
Телибез яңа елда.
Сөенечләр, куанычлар
Сез дусларга.

Оныта алмыйм бүгенгедәй
Кыш бабай бүләкләрен —
Нечкә билле перәннекләр,
«Барбарис» кәнфитләрен.

Ак карлардай ак бәхетләр
Телибез яңа елда.
Сөенечләр, куанычлар
Сез дусларга.

Хөрмәтле әти-әниләр, кадерле балалар! Сезне чын күңелебезден якынлашып килүче Яңа ел белән тәбрик итәбез! Яңа елда һәммәгезгә дә сәламәтлекнең ныгын, гомернең озынын, шатлыкларның зурын, бәхетнең чиксезен телибез. Гаиләләрегездә иминлек, татулык, тигезлек булсын.

Без телибез балаларга шатлыклы җәйләр,

Газиз әткәй-әнкәйләргә - озын гомерләр!

Без телибез илебезгә иминлек, байлык!

Без телибез һәммәгезгә исәнлек, саулык!

Иң изге теләкләр белән "Миләшкәй" балалар бакчасы коллективы.

Кар сыннарын әвәләгәндә әти-әниләр дә читтә калмады. Сабыйлары йөргән балалар бакчасы Яңа елны матур сыннар, бизәлгән чыршы белән каршы алсын өчен үзләренең көчләреннән килгән кадәр ярдәм иттеләр. Сыннарны әвәләргә җитешмәгәннәр буярга булыштылар. Шушы күмәк эштә катнашкан, хезмәтләрен куйган әти-әниләргә чын күңелдән зур рәхмәтебезне җиткерәбез. Яңа елларны шатланып, куанып, гаиләләрегез, сабыйларыгыз белән берлектә, тигезлектә каршы алыгыз. Яңа ел һәммәгезгә дә зур бәхетләр, ныклы сәламәтлек алып килсен! 

Әй, Кыш бабай, Кыш бабай,

Хуш киләсең, уз бире,

Кунак булып килер дип,

Күптән көттек без сине.

Кыш бабайны зарыгып көтеп алабыз. Ә ул безгә капчыгын алып, Кар кызын, атны ияртеп күптән  ишек төбенә килеп баскан инде. Һәр ел саен яңа елны кар сыннарын әвәләп каршы алабыз. Көннәр салкын, буранлы дип тормадык, бакчабыз яны матур, балаларга күңелле булсын өчен кар сыннарын тырышып әвәләдек.