Урамга чыгып,

Таудан чана шуып,

Кышнын салкыннарын

Жибәрәбез, куып.

Бабай да солдат булган, 

Әти дә солдат булган.

Зур абый да, солдат булып, 

Ил чикләрендә торган.

Кече абый солдат булып

Китте быел яз гына.

Мин үзем дә солдат булам,

Үсим  әле аз гына.

Бүген "Танып белү"- ана теле эшчәнлеге К.Булатова  "Солдатлар" шигыре белән башланды. Бу атна дәвамында балалар белән Ватанны саклаучы солдатлар турында сөйләшәчәкбез. Кыю, батыр, көчле, тырыш, акыллы , сәламәт солдатлар булганга күгебез аяз һәм илебездә тыныч. 

Балалар  үз куллары белән әтиләренә бүләккә , дип кәгазьдән  танк ясадылар.

Кечкенәләр дә зурлардан калышмадылар, аларда үзләренең нәни куллары белән әтиләренә бүләккә танк ясадылар.

15 февраль-татар халкының бөек улы, герой-шагыйрь Муса Җәлилнең туган көне. Муса  Җәлилнең  батырлыгы һәм иҗаты тарихка үлемсез җырлары белән теркәлгән. Бу атна эчендә балалар Муса Җәлилнең иҗатын, тормыш юлын, аның батырлыгы  турында матур әдәбият аша,  презентацияләр, төрле чаралар ярдәмендә таныштылар. Бүген балалар Муса Җәлилне  искә алып, үзләре ясаган чәчәкләрне аның портреты каршына куйдылар.

Әлифбадан укып беләм                     Җырлар язган Муса Җәлил,

Муса Җәлил турында.                          Каләм булган коралы.

Фашистлар белән көрәшкән,           Дошман килгәч, автоматка

Дошманның үз тылында.                   Алыштырган ул аны.

Туган илгә биргән антын                    Муса Җәлил, Муса Җәлил.

Тап төшерми саклаган.                      Халкыбыз каһарманы!

Палач башын кискәндә дә,              Үлемсез аның исеме,

Туган илен сатмаган.                          Мәңгелек аның даны.

"Сәламәт балалар-сәламәт гаиләдә!" акциясе кысаларында уздырыла торган чараларда безнең бакча коллективы да читтә калмады. Без бүген бакчабызга кунакка Зарипова Гөлнара Хәмит кызын һәм аның 9-чы сыйныфта укучы улы Илфатны чакырдык. Гөлнара Хамитовна һәм Илфат - район, республика күләмендә бик күп тапкырлар бадминтон ярышларында катнашып, алдынгы урыннарны алып кубоклар һәм медальләргә ия булган кешеләр. Гөлнара Хамитовна Завод Нырты урта мәктәбендә физик тәрбия укыта, волейбол һәм бадминтон түгәрәкләрен алып бара. Безнең бакчада тәрбияләнгән балалар: Хаҗиева Язгөл, Латипов Данис, Миннегалиев Илшат, Валиева Гөлфия, Низамиева Зөһрә, Фархиева Зәлинә  Гөлнара апалары җитәкчелегендә шөгыльләнеп, матур күрсәткечләргә ирешеп, Россия күләмендә уза торган ярышларда да катнашалар. "Нинди генә спорт төре белән шөгыльләнсәң дә, уңышларга ирешү өчен иң беренче чиратта түзем булырга, спортны яратырга, бик күп шөгыльләнергә, дөрес итеп тукланырга"- кирәк дип аңлатты Гөлнара Хамитовна.

       Очрашуга Гөлнара апалары медальләр һәм кубокларын алып килгән иде. Илфат белән икесенә аларның 27 медаль һәм 5 кубоклары бар. Балалар медальләрне бик кызыксынып тотып карадылар. Очрашу бик күңелле узды. Соңыннан бергәләшеп истәлеккә фотога төштеләр.

Бу атнаның темасы "Муса Җәлил -халык улы" дип атала.

Максат: Балаларда Муса Җәлил әсәрләренә  кызыксыну  уяту, балаларда ватанпәрвәрлек хисләре тәрбияләү, аның иҗатын һәм тормыш юлын өйрәнү.     

Танып белү-ана теле  эшчәнлегендә балалар белән күп кенә төрле хәрбиләр белән таныштык. Балалар Ватаныбызны көчле, батыр, кыю ир-егетләр саклаганын белделәр.  "Бу хәрби кем ?" -уенын уйнадык.