Илебездә язның беренче көнендә Песиләр көне билгеләп үтелә. Шул уңайдан, гимназия китапханәсендә кызыклы очрашу оештырылды. Укучылар песиләрнең ничек эволюцияләнүе, дөнья буйлап таралуы, яңа токымнары ничек барлыкка килүе турында белделәр һәм китаплар белән таныштылар.

Кызыклы фактлар:
- Песиләр турында фән фелинология дип атала.
- Песиләр 60 кГц ешлыктагы тавышны да ишетә. Шуңа күрә тычканның тавышсыз гына хәрәкәте дә аларга ишетелеп тора.
- Песиләр йөздән артык аваз чыгара ала.
- Әгәр песи койрыгын болгый икән, димәк ул "уйлый".

Гимназиянең 9Б сыйныфы укучысы Махмутова Камилә шәһәр күләмендә үткәрелгән "Ломоносов укулары" конференциясендә II дәрәҗәдәге дипломга лаек булды.
Камиләне һәм җитәкчесе Светлана Фёдоровнаны чын күңелдән котлыйбыз, киләчәктә уңышлар теләп калабыз!

Инглиз теле фәне атналыгын йомгаклап, үткәрелгән чаралар:
- укучылар белән флешмоб бию;
- 5 нче һәм 6 нчы сыйныфлар белән 8 нче Март бәйрәме уңаеннан котлау открыткалары ясау һәм видео төшерү;
- 7 нче һәм 8 нче сыйныф укучылары арасында җыр бәйгесе оештыру.
Инглиз теле атналыгы бик кызыклы һәм мавыктыргыч үтте!

Видеога сылтама: https://vk.com/club216931602?z=video-216931602_456239378%2F8029986a6d4745dafb%2Fpl_wall_-216931602

Казан шәһәре мәгариф идарәсе белән берлектә оештырылган язучы Равилә Шәйдуллина- Морат иҗатына багышланган "Сихәтләнү" дип исемләнгән әдәби бәйгедә укучыларыбызның ирешкән уңышлары:
- Шакирова Зилә (3А) - I урын;
- Минвалиев Марсель (5В) - I урын;
- Шарапова Сылу (8А) - I урын;
- Галиев Әмир (8А) - II урын;
- Әминова Мәрьям (9А) - II урын.
Укучыларыбызны һәм җитәкчеләре Фәния Наилевна, Гөлфия Рөстәмовнаны югары нәтиҗәләргә ирешүләре белән котлыйбыз! Афәрин!

28 нче февраль көнне 4 нче гимназия- интернат базасында "Асылташ" төбәкара кызлар бәйгесе үткәрелде. Россиянең төрле төбәкләреннән һәм Татарстаннан килгән кызлар тарих, әдәбият, театр, сәнгать һәм мәгърифәтчелек өлкәләрендә осталыкларын күрсәттеләр.
Әлеге бәйгедә гимназиябезнең данын 8Б сыйныфы укучысы Валеева Алимә яклады һәм Гран- прига лаек булды!
Алимә жюри әгъзаларына үзпрезентация, проект эшен, иҗади чыгышны күрсәтте һәм барлык интеллектуаль сорауларга да дөрес җавап бирде. Без Алимә белән чын күңелдән горурланабыз һәм сокланабыз!
Алимәне сыйфатлы һәм югары дәрәҗәдә әзерләгәннәре өчен Гөлназ Мазитовнага, Фәния Наилевнага зур рәхмәт!

Гимназиябез укучылары чаңгы ярышының район этабында I урынны яуладылар. Укучыларны һәм җитәкчеләре Рәнис Раисович, Әлфия Гумаровнаны чын күңелдән котлыйбыз! Шәһәр этабында уңышлар теләп калабыз!

 Гимназиябезнең 1- 5 нче сыйныф укучылары белән "Күңелле стартлар" ярышы уздырылды. Командалар эстафетада төрле биремнәр үтәделәр һәм үзләренең җитезлекләрен, спорт осталыкларын күрсәттеләр. Афәрин, укучылар!

Гимназиянең 3А сыйныфы укучысы Шакирова Зилә бөек татар шагыйре, меценат Закир Рәмиев (Дәрдемәнд) истәлегенә оештырылган "Туган телем" дип исемләнгән VI Халыкара шигырь сөйләүчеләр бәйгесендә II дәрәҗәдәге дипломга ия булды.
Зиләне һәм җитәкчесе Гөлфия Рөстәмовнаны чын күңелдән котлыйбыз!

Инглиз теле атналыгы кысаларында башлангыч сыйныф укучылары белән викториналар үткәрелде. 7 нче һәм 8 нче сыйныф укучылары белемнәрен брейн- рингта сынадылар. Алар төрле юнәлешләр буенча сорауларга җаваплар бирделәр. Җанатарлар үз командаларына көч биреп тордылар.

Укучыларга һөнәри юнәлеш бирү башлангыч сыйныфтан ук башлана. Шул уңайдан, 1А һәм 2А сыйныфында ачык сыйныф сәгате үткәрелде. Кунакта Россия Тикшерү комитетының Татарстан Республикасы буенча Тикшерү идарәсе җитәкчесе ярдәмчесе Әхәтова Алсу Мансуровна булды. Алсу Мансуровна укучыларны тикшерүче һөнәренең үзенчәлекләре белән таныштырды. Әлеге өлкәдә эшләгән кешеләрнең шәхси сыйфатлары, нинди күнекмә һәм белемнәргә ия булырга тиешлеге турында аңлатты. Сөйләшү барышында балалар белән тематик уен үткәрелде. Әлеге очрашу бик файдалы һәм кызыклы булды!