1 декабрь – СПИДка каршы көрәш көне

Әлеге көн уңаеннан укучылар белән тәрбия эшләре буенча директор урынбасары Габдрахманова И.Б. “СПИД – 21нче гасыр эпидемиясе” дигән тәрбия сәгате үткәрде. Чарага килгән авыл фельдшеры Вафина Э. укучыларга СПИД - ВИЧ  авыруы турында күп мәгълумат бирде, сәламәт яшәү рәвеше алып барырга чакырды.

Ата-аналар өчен ачык ишекләр көне

Мәктәптә ата-аналар өчен ачык ишекләр көне уңаеннан 7 сыйныф әти-әниләренә Рамазанова Г.Г.  биология дәресе күрсәтте. Соңыннан фикер алышулар, укучыларның укулары һәм тәртипләре турында сөйләшүләр булды.

Әниләр бәйрәме

Мәктәптә зур әзерлек белән “Әниләр бәйрәме” үтте. Укучылар әниләргә багышлап матур концерт күрсәттеләр. Соңыннан бәйрәм чәй табыны артында дәвам итте.

ТИН фәне буенча ачык дәрес

ТИН һәм физкультура укытучысы Гарифуллин Р.Х. 11 сыйныф укучылары белән районкүләм семинарда ачык дәрес үткәрде. Дәрес турында килгән кунаклар матур фикерләр әйттеләр

“Тормыш дәресләре”

Мәктәптә “Тормыш дәресләре” дип исемләнгән профориентация дәресләренең чираттагылары үтте. Башлангыч сыйныф укучылары белән очрашуга “Дуслык” җәмгыятендә эшләүче  Йосыпова Гөлгенә килде. Ә 7-8 сыйныф укучыларына  балта остасы, токарь Гарифуллин Рафис кызыклы һәм мавыктыргыч итеп  үз һөнәре турында сөйләде.  10 сыйныф укучылары тәрбияче һәнәре турында белешмә алдылар. Аларга бу һөнәр турында Шәрәфиева Рәсүлә аңлатты. 5  сыйныф укучылары  кибеткә экскурсиягә бардылар һәм кибетче һөнәре турында күп кенә кызыклы мәгълумат алдылар. 

Котлыйбыз!

 “Хезмәт” редакциясе коллективы мәктәбебездә кунакта булды. Алар «Без мәктәпкә барабыз” дип исемләнгән бәйге җиңүчесе – 5 сыйныф укучысы Иванова Эльвинаны җиңүе белән котларга килделәр.  Шулай ук редакция хезмәткәрләре мәктәбебезнең яшь журналистлары белән дә очраштылар, аларны кызыксындырган сорауларга җавап бирделәр.

Оста куллы әнием

Әниләр бәйрәме уңаеннан мәктәптә “Оста куллы әнием” дигән кул эшләре күргәзмәсе оештырылды.

Хокук атналыгы

Хокук атналыгы кысаларында мәктәптә күп төрле чаралар үтте. Тарих һәм җәмгыять белеме укытучысы Галимова Г.Р. 8-11 сыйныфлар өчен “Толеранлык нәрсә ул?” дигән темага тәрбия сәгате үткәрде. Әлеге сыйныф сәгатендә укучылар толерантлык, дуслык, бер-береңне хөрмәт итү турында сөйләштеләр. Ә 5-7 сыйныф укучылары өчен укытучы Габдрахманова И.Б. үткәргән  “Балачакны кем яклар?” дигән информацион чарада  укучылар балалар хокуклары белән таныштылар. Укучыларга гражданин булу, гражданлык бурычлары турында төшенчә бирелде, гражданлык бурычларын үтәү аша тормышта үз урыныннарын табарга кирәклеге искәртелде.

“Күркәм гаиләләр – 2016”

Нөнәгәр мәдәният йортында үткән “Күркәм гаиләләр – 2016”бәйгесендә мәктәп укучылары һәм укытучылары матур чыгыш күрсәттеләр. Ә Нәкыйповлар, Фатыйховлар, Шәрәфиевлар һәм Газыймовлар нәселе,  узган елгы бәйге йомгаклары буенча,  истәлекле бүләк һәм грамота белән бүләкләнделәр.

Хокук атналыгы

Полиция бүлегеннән мәктәп инспекторы Низамиева Л.Ф. башлангыч сйныфлар белән профилактик беседа үткәрде.