Яңа ел бәйрәмнәре

Ямьле дә соң яңа ел бәйрәмнәре! Ниһаять, мәктәбебездә сагындырып килгән чыршы бәйрәмнәре  гөрләп узды. Укучыларыбыз  матур чыгышлар, костюмнар  әзерләгәннәр.  Яңа ел бәйрәме бик матур һәм күңелле үтте.

Каникул чорына инсруктаж

Каникуллар алдыннан укучыларга электр, ут, газ, юл йөрү куркынычызлыгы буенча инструктажлар үткәрелде.  Шулай ук укучылар белән очрашуга участок полиция вәкиле Волков В.Ю. та килде. Ул да балаларга каникул чорында үз-үзеңне тәртипле тоту  кагыйдәләрен исләренә төшерде.

“Йолдызлык” бәйгесенә әзерлек

Мәктәпнең бию төркеме кызлры һәм җырчылары “Йолдызлык” бәйгесенә әзерләнәләр. Аларның хыяллары – бәйгедә җиңү! Уңышлар телибез сезгә!

Чирекне йомгаклыйбыз

Тиздән 2нче чирекне йомгаклыйбыз. Мәктәптә төрле фәннәрдән контроль эшләре үткәрелә. Укучылар, контроль эш биремнәрен үтәп, үзләренең белемнәрен сыныйлар.  

Яңа елга әзерлек

Мәктәбебез укучылары тырышып Яңа ел бәйрәменә әзерләнәләр. Мәктәп тирәләре матур итеп бизәлде, әкият дөньясына күмелде.

Юбилеегыз белән!

Мәктәбебезнең үзидарә укучылары директор Расил Габдуловичны күркәм юбилее белән котладылар. Укучылар исеменнән матур теләкләр җиткерделәр.

Коррупциягә каршы көрәш

Мәктәптә “Коррупциягә каршы көрәш” атналыгы игълан ителде. Атналыкка чаралар планы төзелде һәм сыйныф җитәкчеләре план нигезендә тәрбия сәгатьләре үткәрделәр. 

Ял концерты

Мәктәпнең 6 нчы сыйныф укучылары Көшкәтбаш һәм Түнтәр авылларында зур концерт куйдылар.  Концертта укучылар үзләренең җыр-моңга булган сәләтләрен күрсәттеләр. Авыл халкы әлеге концертны яратып кабул итте, соңыннан матур теләкләрен җиткерделәр.

Инвалидлар декадасы

Инвалидлар декадасы уңаеннан, 5 нче сыйныф укучылары сыйныф җитәкчесе Кәримова Ч.З. белән берлектә Гобәйдуллин Исламны туган көне белән котлап өйләренә бардылар, күңелле бәйрәм ясадылар.