Инглиз теле укытучылары Кәримова Ч.З. һәм Гарифуллина Л.В. 7-11 сыйныф укучылары белән берлектә интеллектуаль уен үткәрделәр. Уен укучылар өчен бик файдалы һәм кызыклы булды.

Мәктәптә “Без бергә” республика конкурсының мәктәп этабы үткәрелде. Укучылар үзләренең матур чыгышларын тамашачыларга тәкъдим иттеләр. Сәхнәдә халык биюләре һәм җырлары башкарылды, иң яхшы номерлар сайлап алынды. 

Апрель ае мәктәптә табигать айлыгы дип игълан ителде.  Айлык кысаларында күп төрле чаралар планлаштырылды.  Биология укытучысы Нәбиуллин А.Г. 5-7 сыйныф укучылары өчен интеллектуаль уен үткәрде. Әлеге уенда укучылар үзләренең белемнәрен сынадылар, кызыклы сорауларга җаваплар бирделәр.

6 сыйныф укучылары рус теле укытучысы  Бәйрәмова Т.З. белән авыл китапханәсенә бардылар. Китапханәче Закирова Г.Г.  белән берлектә калмык шагыйре Давид Кугультиновның 90 еллыгына багышлап акция үткәрделәр.  

Мәктәптә “БиС технологиясе буенча укыту” темасы астында районкүләм семинар узды. Әлеге семинарда укытучылар ачык дәресләр күрсәттеләр, фикерләштеләр, киләчәккә планнар кордылар. 

Мәктәптә зур әзерлек белән башлангыч сыйныфлар атналыгы үтте. Әлеге атналыкта башлангыч сыйныф укытучылары матур кичәләр, кызыклы уеннар, ачык дәресләр күрсәттеләр.

Мәктәптә 1нче сыйныф укучыларының зур бәйрәме – “Әлифба” бәйрәме үтте. Укучылар әлеге бәйрәмгә ныклап әзерләнгәннәр. Аларның күңелле һәм матур чыгышларын һәркем яратып кабул итте. 

Озынайтылган көн группасы тәрбиячесе Зәйнетдинова Э.Р. башлангыч сыйныф укучылары белән “Йолдызлы сәгать” үткәрде. Әлеге чарада укучылар алган белемнәрен ныгыттылар, кызыклы сорауларга бердәм булып җавап бирделәр.

Биология укытучысы Нәбиуллин А.Г. 8 сыйныф укучылары белән Бердәм экологик дәрес үткәрде. Әлеге дәрестә укучыларга күп мәгълуматлар җиткерелде, табигатьне саклау турында киңәшләр әйтелде.

«Бердәм сыйныфның серләре” конкурсының муниципаль этабында 6 сыйныф укучылары һәм ата-аналары,  сыйныф җитәкчесе Гарифуллина Р.Р. белән берлектә, II урынны яуладылар. Киләчәктә дә уңышлар телибез сезгә!