Кызыклы очрашу

Мәктәпкә күпкырлы шәхес – Азат Шәймулла улы Зиятдинов укучылар белән очрашуга килде. Укучыларга бик күп мәгълумат җиткерде, яраткан һөнәрләре турында сөйләде, үзенең күңелендә йөрткән  шигырләрен укыды, укучыларның да сорауларына җавап бирде. Очрашу укучыларда матур тәэсирләр калдырды.

Юбилеең белән, мөгаллим!

Мәктәбебез укучылары хәзерге көндә лаеклы ялдагы укытучы Зарипов Мөкатдәс абыйны юбилее белән тәбрикләргә бардылар. Мөгаллим үзенең хәтирәләре белән уртаклашты, мәктәптә эшләгән еллары турында сөйләде. Без аңа киләчәктә дә ныклы сәламәтлек, озын гомер телибез!

Күңелле очрашу

21 нче октябрь көнне мәктәптә җырчы, язучы, юморист Алмаз Хамзин һәм “ТАТМЕДИА” АҖ филиалы директоры, “Сабантуй” журналының баш мөхәррире, язучы А.М. Гыймадиевлар белән күңелле очрашу булды. Баларга китаплар, журналлар бүләк ителде. Очрашу балаларда күңелле хәтирәләр калдырды.

Башлангыч сыйныф укытучылары семинары

Мәктәптә “Башлангыч мәктәптән урта мәктәпкә күчкәндә дәвамчанлык” темасы астында башлангыч сыйныф укытучылары семинары үтте. Укытучылар зур әзерлек белән дәресләр күрсәттеләр, соңыннан фикер алыштылар.

Иҗади эшчәнлек

Кичә –  “Г.Мөхәммәтшин – табигать җырчысы”

Районыбыз шагыйре Г.Мөхәммәтшинның юбилее уңаеннан китапханәче Гыймадетдинова А.Ш. 6 сыйныф укучылары белән “Г.Мөхәммәтшин – табигать җырчысы” дәип исемләнгән кичә үткәрде. Кичәдә укучыларга китапханәче тарафыннан шагыйрь турында күп мәгълумат җиткерелде. Укучылар үзләре дә аның шигырьләрен сөйләделәр, сорауларга җавап бирделәр.

Кызыклы очрашу

Мәктәпкә Алмаз Хәмзин белән балалар язучысы Алмаз Гыймәдиев кунакка килделәр. Алар белән мәктәбебезнең яшь журналистлары әңгәмә корды.  21 октябрь көнне кунаклар яңадан укучылар белән зур очрашу оештырачаклар. Барыгызны да әлеге очрашуга чакырабыз. 

Укытучыларны хөрмәтләү

Укытучыларның һөнәри бәйрәмнәре уңаеннан мәктәп укучылары зур бәйрәм концерты оештырдылар.

Өлкәннәргә бүләк

Мәктәбебез укучылары өлкәннәргә бәйрәм бүләге ясадылар – концерт куйдылар. Матур җырлар, дәртле биюләр аларның күңеленә хуш килде.