6 сыйныф укучылары  белән “Яман гадәтләрдән саклан!” исеме астында дәрес-тренинг үтте. Әлеге тренингны ата-аналар комитеты членнары үткәрде. Укучылар әлеге дәрестә актив катнаштылар, үз фикерләрен әйттеләр.

Мәктәптә “Әтиләр конференциясе” булды. Әлеге очрашуга ПДН инспекторы Назипова Л.Г. килде. Укучыларыбыз әтиләргә Бөек Җиңүгә багышланган әдәби-музыкаль кичә куйдылар. Соңыннан класс җитәкчеләре әтиләр белән эшлекле сөйләшү алып бардылар.

Мәктәбебез укучылары Кәримова Ләлә (8 класс), Гарифуллин Илһам (11 класс) һәм Басыров Дилүс (11 класс) Ибраһим Хәлфин исемендәге XII республика фәнни-гамәли конференциясендә катнаштылар. Гарифуллин Илһам  һәм Басыров Дилүс (укытучылары Гарифуллина Р.Р., Гарифуллин Р.Г.) III дәрәҗә диплом белән бүләкләнделәр. Киләчәктә дә уңышлар телибез аларга!

Бәйрәм уңаеннан мәктәптә укучылар өчен дискотека үтте. Күңелле уеннарда, ярышларда, биюләрдә укучылар актив катнаштылар.

Хоккейда җиңү!

Районда Муса Җәлил призына үткәрелгән туплы хоккей ярышында мәктәбебез егетләре I урынны яулап кайттылар (җитәкчесе Зәйнетдинов Р.Т.) Афәрин, егетләр!

Уңышларыбыз

Мәктәбебез укучылары Шәрәфиев Нәсим (10 класс) һәм Кәримова Ләлә (8 класс) Муса Җәлил исемендәге IV республика фәнни-гамәли конференциясендә эзләнү эшләре белән катнаштылар. Кәримова Ләлә (укытучысы Нәкыйпова Л.М.) I дәрәҗә диплом белән бүләкләнде. Киләчәктә дә уңышлар телибез аларга!

Хәрби-патриотик айлык

Мәктәптә хәрби-патриотик айлык кысаларында чаралар дәвам итә. “Хәрби десант” операциясендә 10 сыйныф укучылары авылыбызның һәйкәл янын кардан чистарттылар.

Тормыш дәресләре

Укучылар белән очрашуга участок полиция вәкиле Волков В.Ю. килде. Ул үзенең һөнәре, белеме, белем алган  уку йортлары, армиядә хезмәт иткән чорлары турында сөйләде. Укучылар аның сөйләвен кызыксынып тыңладылар, үзләре дә сораулар бирделәр.

ПДН инспекторы белән очрашу

ПДН инспекторы Низамиева Л.Ф. укучылар белән хокук бозуларга каршы профилактик әңгәмә үткәрде.