Саба районында  Миннебаев Рамил Рафикович призына татар-башкорт көрәше буенча ярыш уздырылды. Әлеге ярышта мәктәбебез укучылары да катнашты  һәм призлы урыннарга лаек булдылар. Сабадан  6 класс укучысы Хабибуллин Руфил 2 урынны, 9 класс укучысы  Муллахметов  Ильнар 1 урынны яулап кайтты.

Авыл китапханәсе укучылары арасында ” Место подвига Афганистан” исемле конкурс уздырылды.Конкурста мәктәбебез укучылары Ахмадуллина Илүсә һәм Нурмухаметова Руфияләр катнашты. Әлеге укучылар “жюти симпатиясе” номинациясендә җиңүчеләр булдылар һәм грамота белән бүләкләнделәр.

9 май – Җиңү бәйрәме уңаеннан “Хыял” балалар оешмасы укучылары “Ветеранны котларга онытма”! дип исемләнгән акция уздырдылар. Әлеге акция барышында тыл хезмәтчәннәренең өйләренә барып, бәйрәм котлаулары  тапшырылды. Өлкәннәр әлеге котлауларны зур дулкынлану белән кабул иттеләр, балаларга  күп рәхмәтләр әйтеп, үзләренең үгет-нәсихәтләрен биреп озатып калдылар.

Авылыбызда бердәнбер сугыш ветераны Хәкимова Разия апа яши. Разия апабыз, сәламәтлеге какшау булу сәбәпле, бәйрәм чараларында катнаша алмады. Әмма 6 класс укучылары ветеранны котлау өчен аның өенә бардылар һәм бәйрәм котлавы җиткерделәр. Разия апа кабат сугыш елларын искә алды, балаларны хәзерге матур тормышның кадерен белергә өндәде.

Мәктәбебез белән Бөек Җиңүнең 69 еллыгына багышланган митингта катнаштык. Һәйкәл янында узган әлеге тантанада 3 класс укучылары “Җиңү көне” дип исемләнгән монтаж белән чыгыш ясадылар, өлкән класс укучылары һәйкәлгә кулдан ясалган веноклар салдылар, башлангыч класс укучылары тыл батырларына шар-чәчәкләр бүләк иттеләр.

Тыл ветераннары  хөрмәтенә мәктәп ашханәсендә чәй табыны оештырылды. Ветераннар үзара аралашып сый-нигъмәтләрдән авыз иттеләр, ә укучылар алар өчен бәйрәм концерты куйды. Өлкәннәр  барлык бочу-мәшәкатьләрен онытып чын күңелдән ял иттеләр.

Авылдашыбыз Советлар Союзы Герое Габдулла Гарифуллин каберенә Җиңү бәйрәме хөрмәтенә венок салынды, батыр авылдашыбызны 1 минут тынлык белән искә алдык.

Мәктәбебездә күрше Башкортстан Республикасыннан килгән “Зеленые береты” ансамбле кунакта булды. Әлеге ансамбль үзенең чыгышын Бөек Ватан, Әфган, Чечня һәм башка “кайнар нокта”ларда һәлак булган ватандашларыбыз истәлегенә багышлый. Әлеге ансамбльне укучылар бик җылы кабул итте, аларның һәр чыгышы көчле алкышларга күмелде.

Мәктәп бакчасында язгы эшләр башланып китте. Бакча чүпләрдән чистартылды. Бүгенге көндә суган утырту өчен җир әзерләү эшләре бара

Туган тел һәм Тукай айлыгы планы нигезендә һәр класс туган телгә багышлап газеталар чыгарырга тиеш иде. Бүген әлеге газеталарның берничәсе укучылар игътибарына тәкъдим ителде.