Бакчабызда 27.03 - 31.03 көннәре "Язгы тәҗрибәләр" темасы астында узды. Белгәнебезчә, тәҗрибәләр - балаларның иң яраткан эшчәнлек төре. Шунлыктан,  атнабыз бик җанлы, эшлекле, күңелле һәм иң мөхиме файдалы үтте. Балаларга тәҗрибәләр ясау, нәтиҗәләрен күрү -  бик ошады, әмма әзерлек эшләре аларны тагын да күбрәк активлаштырды.  Тәҗрибәләр өчен кирәк яракларны булдыруда әти-әниләр дә читтә калмады. Тиздән үсентеләрнең беренче яшел шытымнары да күренер. 

Табигать почмагында ел дәвамында  җанлы тормыш бара. Табигатьтә  әле язның беренче ае - март хакимлек итә, ә безнең бүлмәдә "Күңелле суганнар" ямь-яшел кыякларын җибәргән, уҗымнар шыткан, агачлар бөреләнгән. Балалар тере табигать, аның үзенчәлекле  яклары белән тәҗрибәләр, үз куллары белән эшләп карау аша танышалар.  Әлеге гамәлләр аларда кызыксынучанлык, игътибарлык, сакчыл һәм кайгыртучанлык кебек күркәм сыйфатлар тәрбияләнә. Әлеге күренеш - мәктәпкә әзерлек төркеменеке.

Бүген безнең балалар бакчасында  Нәүрүз бәйрәме узды. Кыш бабай үзенең вазыйфаларын яз кызына - Нәүрүзбикәгә тапшырды.

Күч безнең күңелгә

Җыр яме, җир яме,

Рәхим ит, түрдән уз,

Нәүрүз бәйрәме!

Менә ямьле, җылы яз җитте. Тиздән, бик тиздән туган якларын сагынып кошлар кайтырлар. Алар хөрмәтенә "Карга боткасы" дип исемләнгән борынгы татар халкының милли бәйрәмен уздырдык.

Өйдәме түтәй, җәтрәк бир күкәй,

Бирсәң безгә өч күкәй,

Тавыгың салыр 100 күкәй.

Май кирәк, ярма кирәк

Карга туена бар да кирәк! 

17 март көнне уртанчылар төркемендә "Мин һәм минем сәламәтлегем" темасына әти-әниләр җыелышы узды. Җыелышта район мәгариф идарәсеннән психолог Закирова Г.Н. катнашты, Ул әти-әниләргә балалар сәламәтлегенә кагылышлы файдалы киңәшләр әйтте, тест-уеннар үткәрде. Балалар бакчасы шәфкать туташы Низмутдинова А.М. "Баланың сәламәтлеге безнең кулларда!" темасына тулы чыгыш ясады. Очрашу  "түгәрәк өстәл"  артында ике як өчен дә файдалы узды. 

"Рус теле атналыгы" дәвам итә. 16 март көнне яраткан  әкият геройлары балаларны "Әкияттә -кунакта" дип исемләнгән уен-викторинага чакырды. Уен-викторинада капма-каршы командаларны 2 мәктәпкә әзерлек төркеме төзеде,  убырлы карчык алып барды, Хөкемдарлар ролен әкият геройлары - җен, су анасы, үлемсез кощей башкарды. Әдәби чарада балалар үзләренең әкиятләр турында белемнәрен күрсәтте. Уен -викторина да дуслык җиңде.

Бик бай эчтәлекле һәм күңелле мизгелләр белән истә калырлык булып рус теле атналыгы узды.  Бүген йомгаклау чарасы,  фольлор бәйрәм – “Русская ярморка” гөрләп узды.  Табигать тә безне бәйрәм белән котлады, кояш нурларын җылырак, яктырак сипте.   Бәйрәмнең иң матур бизәкләренең берсе  – алып баручылар, борынгы Русьтагы сәйяр җырчы-музыкантлар (скоморохи) булды.   Бәйрәм балалар башкаруындагы рус халык авыз иҗаты әсәрләре, уеннары белән урелеп барды. Кыскасы,  уен-көлкегә, шаяруга  бай әлеге чара барыбызга да күтәренке кәеф бирде.  

"Рус теле атналыгы" кысаларында мәктәпкә әзерлек төркеме балалары рус халык кәсебе таварлары, аларга төшерелгән бизәкләр турында белемнәрен тулыландырдылар һәм камилләштерделәр. Рус теле тәрбиячесе Городец һәм Гжель бизәкләре турында мәгълүматны  бик тулы һәм бай эчтәлекле презентация аша җиткерде. Соңыннан балалар әзер өлгеләрне  милли бизәкләргә хас төсләргә буядылар. Әлеге эшләрдән барыбызның да күнелләрне сөендереп тора торган  күргәзмә ясалды. 

Бүген мәктәпкә әзерлек 2 төркеме балалары күршедә генә урнашкан "Балтач 1 нче номерлы балалар бакчасы" да кунакта булдылар. Кунакка буш кул белән генә барып булмый. Күчтәнәчкә "Куян өе" әкиятенең  рус телендә сәхнәләштерелгән күренешен алып бардылар. Нәни артистларның уены  тамашачылар күңеленә хуш килде.

Бүген зурлар төркеме балалары рус халык әкияте "Шалкан" ны рольләргә бүлеп башкардылар.  Нәни артистлар театраль  күренешне тамашачы-дусларына  рус телендә җиткерделәр. Балаларда дуслык, тырышлык, ярдәмчеллек кебек сыйфатларны формалаштыруда әкиятләрнең роле бик зур.