Әкиятләр атналыгы дәвам итә...  2 нче кечкенәләр төркеме балалары курчаклар белән уйнап әкиятләр сөйләргә бик яраталар. Бүген алар апалары белән бергәләп Ш.Перроның "Кызыл калфак" (З.Садыйкова тәрҗемәсендә) әкиятен сөйләделәр, әкият геройларының гамәлләренә үз фикерләрен җиткерделәр.

Без бүген Шушма елгасы буендагы болынга экскурсиягә бардык. Бу- безнең туган як табигате белән танышуны дәвам итү буенча чираттагы сәяхәт. Тирә-як  келәм кебек яшел чирәм белән капланган, битләрне сыпырып җылы җил исә, кошлар сайрый. "Нинди матур минем туган җирем !" - дип еракларларга эндәшәсе килә. Кечкенәдән менә шундый соклану һәм кайгырту хисләре сеңдерәләр безгә тәрбияче апалар.

Әкиятләр атналыгы

Иң яраткан атналык.

Үзебез артист һәм костюмер,

Үзебез тамашачы.

Тыңлыйбыз да, сөйлибез дә

Әкиятнең төрлесен.

Өйрәтәләр  безне алар -

Гаделлеккә, дуслыкка. 

Түтәлләрдә үсәләр

Кыярлар һәм суганнар.

Куанып баш калкыталар

Чүп үләннән арынгач.

Зурлар төркеме уен мәйданчыгының бер почмагына апалар кечкенә тау ясадылар һәм зәвыклы итеп бизәп чәчәкләр утырттылар.

Без сипкән суны эчеп

Чәчәкләр зур үсәләр.

Чәчәкләрне тибрәтеп

Җылы җилләр исәләр.

Җәйнең иң гүзәл көнендә "Балтач 2 нче номерлы балалар бакчасы" ын озак еллар җитәкләгән, бүгенге көндә лаеклы ялда булган хөрмәтле мөдиребез Якупова В.К. га 75 яшь тулды. Балалар бакчасы коллективы әлеге матур гомер бәйрәме белән чын күңелдән котлап,  Венера Каюмовна һәм аның гаиләсенең шатлыгын уртаклашты.

Җәйнең кояшлы, җылы чоры.  Димәк, чыныгу, сәламәтлекне ныгыту өчен дә менә дигән көннәр. Балалар бакчасы территориясендә урнашкан "Сәламәтлек сукмагы"  бизәлеше, мавыктыргыч сукмаклары белән балаларны үзенә тартып тора. Аяк табаннарына төрле өслекле келәмнәрдә массаж ясаганнан соң, аяк-кулларга су ванналары үткәрү  дә бик ләззәтле.

5 июль - Ураза гаете бәйрәме уңаеннан балалар бакчасында Балтач үзәк мәчете вәкиле Саубанова М.М  белән очрашу булды. Мәдинә Мухамметовна балаларга бик аңлаешлы, үтемле итеп кайбер әхлак кагыйдәләре,  бәйрәм турында кыскача мәгълүмат бирде, күчтәнәчләр таратты.Бәйрәмнәр мөбәрәк булсын.

Саф һавада бик теләп һәм яратып без спорт уеннары уйныйбыз. Шулар арасында иң яратканы - баскетбол уены. Тупны корзинга төз итеп ата белү - әлеге уенда иң кирәкле алшарт.. Әти-әниләр ясап биргән "корзинлы сикерткә"  бик уңайлы һәм мавыктыргыч. Алтын куллы әти-әниләргә зур рәхмәт.. 

Безнең балалар бакчасына йөрүче нәни җырчылар Таңсылу белән Амелия  вокаль ансамбль "Поющие горошинки" га бик теләп йөриләр. Күптән түгел, май аенда узган халыкара телевизион конкурс "Национальное достояние" дә катнашып алар I нче дәрәҗәдәге диплом белән бүләкләнделәр. Әфарин, кызлар! Без сезне яратабыз һәм тәбрик итәбез.