Безнең якларда кышлаучы кошларны танырга, кошлар өчен азык сайларга өйрәтү,  кошларга ярдәм итү максатыннан, ел саен  салкыннар башлангач, бакчада җимлекләр эләбез.

Җимлекләргә җимне һәр көн бер вакытта салырга тырышабыз һәм сыйланырга килгән кошкайларны читтән генә күзәтеп торабыз. 

Тимәгез кошларга, сайрасын,

Бетерсен зарарлы кортларны.

Кыш көне җимлекләр ясагыз,

Саклагыз канатлы дусларны!

Балтач муниципаль районы "Наз" социаль яклау бүлеге үткәргән "Минем әнием" фото конкурсында катнашып Габдрахманов Ансар, Гилмуллин Ильяс сертификатка ия булдылар. 

Кадерле әзниләребезне котларга, аларны ничек итеп яратканыбызны, хөрмәт иткәнебезне белдереп, кунакка дәштек; шигырьләребезне, җырларыбызны, үзебез ясаган чәчәкләрне бүләк иттек. Әниләребез бәйрәм кичәсендә көч сынаштылар. Үзләренең бар яктан булган икәнлекләрен исбатладылар.

Җир йөзендәге барлык әниләрне бәйрәм белән котлыйбыз. Аларның борчу-мәшәкатьсез яшәүләрен телибез.

Бүген нәниләр төркемендә әниләр көне уңаеннан бәйрәм иртәсе үткәрелде. Бәйрәмгә килгән әниләргә нәниләр үзләренең осталыкларын күрсәттеләр, бәйрәм белән  котладылар. 

Әни ул - җылы кояш,

Әни ул - матур чәчәк,

Әни белән яшәү

Шундый матур балачак.

Яратыйк, кадерлик, хөрмәтлик яраткан әниләребезне. 

Мәктәпкә хәзерлек һәм зурлар төкемендә тәрбияләнүче балалар Әниләр көне уңаеннан үз кадерлеләрен нәни куллары белән ясаган бүләкләре белән сөендерделәр. 

Нәниләр төркеме балалары урманнан кунакка килгән аю белән бергәләп, җәнлекләр булып уйнадылар. Аюның максаты: балаларның җәнлекләр турындагы белемнәрен киңәйтү һәм ныгыту, җәнлекләрне таный һәм исемнәрен атый белергә өйрәтү иде. 

Бүген бакчабызның зурлар төркеме балалары Балтач спорткомплексында уздырылган VI - спорт фестивалендә катнашып, көч сынашып кайттылар.

Авыл мәдәният йорты белән берлектә  бакча тәрбиячеләре театральләштерелгән "Каз өмәсе" күренешендә катнаштылар. Аларны бүген Эфир программасы аша зәңгәр экраннарда күреп куандык.

Бакчабызның зурлар һәм мәктәпкә хәзерлек төркеме тәрбиячесе Исрафилова Раилә Мөхәммәтфатих кызы республикакүләм "Кояшлы балачак" иҗат бәйгесе җиңүчесе булды. Ул "Ачык дәрес" номинациясе финалисты буларак "Тылсымлы куллар" журналы редакциясенең  дипломы белән бүләкләнде.