Бүген район үзәк мәчетендә мөхтәрәм кунаклар катнашында зур җыелыш булды. Безнең балалар бакчасы "Яшь буынга рухи-әхлакый тәрбия бирүдә актив катнашканы өчен" Татарстан республикасы Мөселманнарының Диния нәзарәте рәисе, Мөфти Камил хәзрәт Сәмигуллинның рәхмәт хатына лаек булды. 

Ап-ак карлары, суык көннәре, матурлыгы белән әсир итә безне кыш. Яратабыз кышны... Яратабыз сихрилеген. Йомшак карыннан тау өя башладык. Бу эш безгә бик ошый, барыбыз да әтиләребез ясап биргән көрәкләребез белән кар ташыдык, тигезләдек. Чана шуарга килегез! 

Бакчабызда тәрбияләнүче һәр бала, үзләренең  нәни куллары белән,  күңел җылысын биреп әниләренә бәйрәм открыткалары ясадылар. 

Көндәлек мәшәкатьләрне онытып күңел ачтык әле. Әниләребез белән берлектә җырлы-уенлы кичә үткәрдек. Бәйрәм белән Сезне, кадерле Әниләр!

Уңан әниләребезнең кул эшләренә сокланмый карау мөмкин түгел. "Тылсымлыдыр аларның куллары" дип уйлап куясың бу хезмәт җимешләренә күз салгач. 

Бүген бездә ЮХИДИ хезмәткәрләре кунакта булды. Зурлар һәм мәктәпкә әзерлек төркеме балалары арасында авылыбыз юлларына куелган юл билгеләре һәм юлда йөрү кагыйдәләре буенча уен-ярыш үтте. Балалар Рафиль абыйларының сорауларын дөрес җаваплар белән канәгатьләндерделәр.  

Уртанчылар төркеме балалары бүген, чит галәмнән җир шары белән танышырга килгән Галәметдинне, урамда дөрес йөрү, үз-үзеңне тоту кагыйдәләре, юл билгеләре белән таныштырдылар.

Бүген мәдәният йортында зур хөрмәткә лаек шәхес - Фәүзия Бәйрәмова белән очрашу булды. Очрашуда безнең бакча балалары да катнашты.

Кулларыбызның чуклары - бармак очларында баш миенә йогынты ясый торган нокталар урнашкан. Тәрбиячеләр нәниләр белән кул моторикасына зур игътибар бирә.  

Нәниләр төркемендә Гөлнур Сәмигулла кызы әти-әниләр һәм укытучыларга  "Кошлар белән танышу" темасына ачык эшчәнлек күрсәтте.  Эшчәнлек "Сөйләм үсеше" белем бирү өлкәсе буенча балаларның сөйләм телләрен үстерү, т, к авазлары кергән сүзләрне дөрес әйтү максатыннан алынды.