Тел дигән дәрья бар, 
Дәрья төбендә мәрҗән бар.
Белгәннәр чумып алыр,
Белмәгән карап калыр.
               Нәкый Исәнбәт

20-21 февральда, Комыргуҗа һәм Ташлы Кавал авыл клубларында, халыкны хәрби-патриотик тәрбияләү айлыгы уңаеннан, мәктәп укучылары әзерләгән, Бөек Җиңүнең 70 еллыгына багышланган концерт куелды. Концерт башланыр алдыннан залда буш урын юк иде инде. Кичә бик эчтәлекле булды, һәрбер тамашачының күңелендә тирән эз калдырды.

Мәктәбебезнең 10 сыйныф укучысы Исмаилова Эльнара, Шәмсетдинова Клара Кәбир кызы җитәкчелегендә, Казанның Федераль Университетында үткән “Татар лингвокультурологиясе: проблемалар һәм перспективалар” исемле Бөтенроссия фәнни-гамәли конференциясендә катнашып, үз секциясендә 1 урын яулады. Котлыйбыз аларны!

Патриот-шагыйрь Муса Җәлил һәм җәлилчеләрне искә алу уңаеннан башлангыч сыйныф укучылары арасында укытучы Хәкимова Г.Р. тарафыннан, шагыйрьнең тормыш юлы һәм иҗатына багышланган ачык тәрбия сәгате үткәрелде.

Бөек Җиңүнең 70 еллыгына багышланган ачык тәрбия сәгате.

Көндәлек тормыш гыйбрәтләренә килсәк, андагы “сәхнә алды” яисә “сәхнә арты” хәлләре безне нинди генә кичерешләргә дучар итми дә, нинди генә фикер давыллары уятмый!..

Мөдәррис Вәлиев

Мәктәбебездә,Бөек Җиңүнең 70 еллыгы һәм Ватанны саклаучылар көне уңаеннан “Аҗаган” хәрби-спорт уены оештырылды.

Мәктәбебезнең 3 сыйныф укучысы, Гатауллин Марат, татар-башкорт спорт көрәше  буенча район куләмендә үткән турнирда,1 урынны яулады.  Котлыйбыз аны!

Мәктәбебез 9 сыйныф укучылары, Мөхәммәдиев Райнур һәм Мөхәммәтҗанова Илюзә, район күләмендә узган чаңгы ярышында катнаштылар. М.Райнур 2 урын яулап кайтты.

Һаваларда оча ике аккош,

Каурыйлары җиргә коела.

Янып сөйсәң, күңел канатлана,

Мәңге талмас кебек тоела.

Һаваларда оча ике аккош,

Еракларга китә моңнары.

Киләчәккә аккош юлы булып

Китсен безнең яшьлек еллары...