Районда милли көрәшне популярлаштыру, Республика ярышларында катнашу өчен көрәшчеләр әзерләү һәм сәләмәт яшәүне пропагандалау максатыннан 25 март көнне Комыргуҗа авыл җирлеге исеменнән мәктәбебезнең спорт залында яшүсмерләр арасында район күләмендә көрәш бәйгесе үтте.Әтнә районы мәктәпләреннән командалар катнашты. Бәйге киеренке рухта барды, егетләр барысыда осталыкларын югары дәрәҗәдә күрсәтте, ярышка ныклы әзерлек белән килүләре күренеп тора иде. Мәктәбебез укучылары командасы беренче урынга лаек булды.

Язгы каникул вакытында да укучыларыбыз, кызыксынып, түгәрәкләргә йөрүләрен дәвам итәләр.

Мәктәбебезнең 11 сыйныф укучысы Хәкимова Гөлүсә, Миннебаев Рафил Хөрмәтулла улы җитәкчелегендә,Каюм Насыйри исемендәге XIII Межрегиональ фәнни-гамәли конференциясендә катнашып, I степеньдагы дипломга лаек булды.

24 март - Бөтендөнья Туберкулезга каршы көрәш көне уңаеннан мәктәптә класс сәгатьләре уздырылды. Баларларга авыруның килеп чыгу сәбәпләре, таралу ысуллары, саклану чаралары турында сөйләнелде, видиороликлар күрсәтелде. Шулай ук укучыларыбыз белән очрашуга Комыргуҗа авыл җирлеге фельдшеры Зиннәтова Гөлнара Габделбар кызы чакырылды.

Мәктәбебездә үткән Сыерчык оялары конкурсына буген нәтиҗә ясалды. Кунакка “Ашыт” заказнигы инспекторы Рәшит Зиннур улы Әхмәтҗанов килде һәм укучыларга мактау грамотасы тапшырды. Конкурсны оештырды биология фәне укытучысы Миннебаев Рафил Хөрмәтулла улы.

Мәктәбебездә бүген ачык ишекләр көне уздырылды. Әти-әниләр ачык дәресләр карадылар. Каникул чорына укучыларның сәламәтлеген һәм куркынычсызлыгын саклау ата-аналарга тапшырылды,әңгәмә уздырылып кул куйдырылды.

Мәктәбебез укучылары 2015 елда башкалабызда үтәчәк су спорт төрләре буенча 16нчы ФИНА дөнья чемпионатына багышланган видеоролик карадылар.

Изге эшләребезне дәвам итеп, 5-7 сыйныф укучылары, укытучылары Шәрәфетдинова Рәисә Зөфәр кызы һәм Шәрипова Рәмзия Мөхәммәт кызы белән, тыл ветераннары, өлкән кешеләргә ярдәм итү уңаеннан, кар тараттылар, канаулар казыдылар.

Укучыларыбыз район күләмендә үткән стройда җыр белән атлап йөрү конкурсында III урыннан 1 балл белән генә калышып IV урын яулап кайттылар. Җитәкчесе Каюмов Рамил Равил улы.

Бүгенге көн мәктәбебездә “Балачак дөньясы» исеме астында үтте. Башлангыч сыйныф укытучылар, һәр тәнәфестә, укучылар белән күңелле уеннар, ярышлар үткәрделәр.