17 нче апрель көнне Казан шәһәрендә Л.Н. Толстой исемендәге XIII фәнни - гамәли конференция булып үтте. Конференциядә мәктәбебезнең 10 сыйныф укучысы Исмаилова Эльнара укытучысы Шәрипова Р.М. житәкчелегендә, 11 сыйныф укучысы Фәхриева Айзилә,укытучысы Фәхриева Г.С. җитәкчелегендә катнаштылар һәм сертификат белән бүләкләнделәр. Уңышларыгыз белән котлыйбыз!

«IT-чемпион» республика бәйгесендә катнашып, “Иң актив мәктәп” номинациясендә җиңеп, мәктәбебез интерактив тактага ия булды.

Мәктәбебезнең Яңа Җөлби филиалы укучысы Хәйруллин Адель, "Минем бабай-фронт сугышчысы" дигән темага эзләнү эше үткәрде. 

Тәбигатьтә кыш бирелеп кенә килә, ә мәктәбебез эчендә күптән яз инде. Укучыларыбыз белән укыучыларыбыз бергәләшеп помидор, кыяр, борыч, төрледән-төрле үсентеләр утырттылар. Киләчәкне бергәләп кайгыртабыз.

Мәктәбебез укучылары төрле уку йортларыннан килгән укытучылар белән кабат очраштылар.

12 апрельдә  Бөтендөнья авиация һәм космонавтика көнен билгеләп үтәбез. Быел Галәмгә менүгә 54 ел тула.Шул уңайдан тәнәфесләрдә укучыларыбыз видеороликлар карадылар. Викторина сорауларына җавап бирделәр.

IX спартакиада кысаларында яшүсмерләр арасында көрәш бәйгесе үткәрелде. Мәктәбебезнең җыелма командасы IV урын яулады.

Балачакны ташлап китәр чаклар

Сизелми дә үтеп китәчәк.

Балачаклар инде кире кайтмас:

Алда юллар сезне көтәчәк.

Алда юллар – кайсын сайларга?

Мең төрле уй баштан үтәчәк.

Дөрес һөнәр сайлаганда гына

Көтәр сезне матур киләчәк

Мәктәбебезнең 8-11 сыйныф укучыларына, Әтнә мәшгульлек  үзәгеннән килгән Мәгсумова Венера Рәис кызы, Казаннан килгән белгеч Халяпина Ирина Виктор кызы, һөнәр сайлау буенча лекция үткәрделәр. Шулай ук тема буенча видеоролик карадылар, тест сорауларына җавап биреп, киләчәктә кем булу турында киңәш алдылар. Чыгарылыш укучыларының теге яки бу һөнәр тибына бирелешен ачыклау ягыннан тестлаштырулар зур ярдәм бирә.

Мәктәбебездә чираттагы ата-аналар җыелышы үтте.Уку буенча директор урынбасары Шәрәфетдинова А.Р. җыелышны башлап җибәрде. Башлангыч сыйныфлар укытучысы Хәкимова Г.Р. “Гаилә һәм мәктәп бердәмлеге” темасына чыгыш ясады. Шулай ук ЮХИДИ хезмәткәрләре Фәнил Муллагалиев һәм Ренат Ихсанов, укучыларның юлда йөрү кагыйдәләре һәм  тәртип саклау буенча чыгыш ясадылар.

Бүген укучыларыбыз авыл клубында Г.Тукай исемендәге ӘТНӘ ДӘҮЛӘТ ДРАМА ТЕАТРЫ тарафыннан сәхнәләштерелгән Мирсәй Әмирнең , сугыш чоры авылы һәм авыл кешесенең пәһлеваннарча хезмәте турындагы “Миңлекамал” спектаклен карадылар.