7 апрель көнне мәктәбебездә Сәламәтлек көне үтте. Борын-борын заманнарда ук кешеләр көндәлек очрашканда бер-берсенә сәламәтлек теләгәннәр. Халык мәкальләрендә дә : "Сәламәтлек – иң зур байлык”, "Сәламәтлекне сатып алып булмый”, "Тазалык – саулык нигезе, саулык – байлык нигезе”, дип әйтелә. Әйе, сәламәтлек һәр кешегә дә бәхетле гомер итү һәм уңышлы эшчәнлек өчен кирәк.

Авылыбыз фельдшеры Зиннәтова Г.Г. кызы, укучыларыбыз белән беррәттән, укытучыларыбызның да сәламәтлеген кайгырта. Сәламәтлек көне уңаеннан, һәр укытучының, һәр хезмәткәрнең дә кан басымын үлчәп чыкты, үзенең киңәшләрен бирде.

Укучыларыбыз Т.Миннулинның "Авыл эте Акбай" спектаклен карап кайттылар.Пьеса, иң мөһиме тыштын күренгән ялган ялтыравыклы матурлык түгел, а туган йортның, андагы әти-әнинең янында яшәү икәнне аңлатучы мисал булып тора. 

Бөек  Җиңүнең 70 еллыгы якынлашу уңаеннан 4 март көнне Комыргуҗа  урта мәктәбендә  ветераннарга медаль тапшыру тантанасы үткәрелде.Район советы рәисе  урынбасары Каюмов А.Ф. тыл ветераннарына Бөек Җиңүнең 70 еллыгы медальләрен тапшырды. Укучылар ветераннарга авыл мәдәният йорты белән берлектә әзерләгән концерт тамашасын күрсәттеләр.

Бүген мәктәбебезнең 9,11 сыйныф укучыларының ата-аналар җыелышы үтте. Җыелышта укучыларның бүгенге көнгә тупланган белемнәре, имтиханнарга әзерлек турында сүз барды. Мәктәп директоры, укыту эшләре буенча директор урынбасары, сыйныф җитәкчесе, шулай ук фән укытучылары чыгыш ясадылар.

Мәктәбебезнең 10 сыйныф укучысы Исмаилова Эльнара, Шәмсетдинова Клара Кәбир кызы җитәкчелегендә,татар теле фәне буенча,Каюм Насыйри исемендәге XIII Межрегиональ фәнни-гамәли конференциясендә катнашып,үз секциясендә III степеньдагы дипломга лаек булды

Мәктәбебездә, китапханәче Шәмсетдинова К.К. тарафыннан Бөек Ватан Сугышында катнашкан герои-шагыйрьләргә багышланган альбом булдырылды.

Мәктәбебездә, Бөек Җиңүнең 70 еллыгына багышланган тәрбия сәгатьләре үткәрү дәвам итә.

Башлангыч сыйныф укучылары, һәр елны үтә торган Эрудит конкурсына әзерләнәләр.

Каникул вакыты булуга карамастан, чыгарылыш сыйныф укучылары, имтиханнарга әзерлеккә басымны тагын да ныграк куялар.