Язгы яхшылык атнасы кысаларында, укучыларыбыз укытучылар белән берлектә, каен һәм нарат бөресе җыю операциясе башланып китте. Шулай итеп, кешеләрне сәламәтләндерүгә өлешебезне кертәбез.

Язгы  шәфкатьлелек  атнасының максаты – кешегә хас иң мөһим сыйфатлар буларак, яшьләрнең аңында  изге күңеллелек, сизгерлек тәрбияләү, алар арасындагы иреклеләрнең   мөһим роль уйнавын,   илнең социаль һәм  икътисади үсешенә   керткән өлешен күрсәтү.  Мәктәбебездә “Дустыңа оя сал”дигән сыерчык оясы ясау буенча конкурс башланып китте.

Бүген мәктәбебездә, Язгы яхшылык атнасын дәвам итеп, Миннебаев Рафил Хөрмәтулла улы тарафыннан “Шәмәк елгасы буе экологиясе” дигән чара үтте. Алып баручылар укучыларны туган якларына карата мәрхәмәтле, сак булырга өндәделәр.

Язгы яхшылык атнасы программасы буенча, инглиз теленнән, Гыйләҗетдинова Албина Рәфкат кызы, 9 сыйныфта “The 70th anniversary of the Great Victory” темасына ачык дәрес үтте. Укытучы укучыларны яхшылыкка омтылдырды. Бүгенге тормышыбызның аяз күге өчен, сугыш һәм тыл ветераннарына рәхмәтле булып, булдыра алганча аларга булышырга өндәде.

Мәктәпнең эчке контроль графигы нигезендә, рус  теле укытучысы Шәрипова Рәмзия Мөхәммәт кызы  6 сыйныф укучылары белән "Сравнительная степень прилагательных" дигән темага ачык дәрес үткәрде.

Игелеклек – иң матур сыйфатларның берсе. Бу сыйфат һәркемне бизи. Безнең мәктәп укучылары да яхшы эшләр кылуда актив катнашалар. Шул уңайдан һәр сыйныф макулатура тапшыра башлады.

Бары тик сәламәт яшәү рәвеше алып барганда гына  кеше үзе дә, тормышы да матур булачак. Бүгенге көнне укучыларыбыз иртәнге зарядкадан башлап җибәрделәр. Тәнәфес вакытларында, укучылар төрле спорт чараларында катнаштылар, уеннар уйнадылар.

Әгәр һәр кем явызлыкка каршы

Гел явызлык кына эшләсә,

Шәфкать кылычы тотып,

Явызлыкның 

Юлларына каршы төшмәсә, 

Яхшылыклар күптән үләр иде,

Калыр иде бары үч, нәфрәт.

Җаннарында кояш йөрткәннәргә,

Кичерә белгәннәргә мең рәхмәт.

Комыргуҗа урта мәктәбе укучылары үзләре өчен изгелеккә, матурлыкка, дуслыкка язгы ишекләрне ачтылар. Мәктәбебездә “Язгы яхшылык атнасы” башланып китте.

Бүген мәктәбебебзнең  9нчы сыйныфында  чыгарылыш имтиханнарына  әзерләү турында ата-аналар җыелышы үткәрелде.  Имтиханнарга әзерлек буенча сыйныф җитәкчесе чыгыш ясады. Кайбер фән укытучылары  үз тәҗрибәләре белән уртаклаштылар.

Һәр шәхес нинди генә һөнәр иясе булуына карамастан, ул тәүге дәреслек –“Әлифба”ны сагынадыр, аңа рәхмәтледер.Чөнки белем “Әлифба”дан башлана. Әлифба озын гомерле,тирән мәгънәле, бәһасез байлык ул.

Бүген мәктәбебезнең 1 сыйныф укучылары укытучылары Мөхәммәтҗанова Ләлә Альбек кызы белән берлектә "Әлифба" бәйрәмен үткәрделәр.