Бүген мәктәптә Бөек Җиңүнең 70 еллыгына багышлап "Сугыш урлаган балачак" исемле әдәби-музыкаль кичә уздырылды. Кичәгә тыл һәм хезмәт ветераны Зәйнетдинова Мәдинә апа, сугыш чоры баласы Шаһниева Хәкимә апа, сугышта катнашкан ветеран әтиләренең истәлекләре белән уртаклашырга Галимҗанова Ләбибә апа, Фәхретдинов Рафаил абый килгән иде. Укучылар ветераннарга үзләренең җыр-биюләрен бүләк иттеләр, сугыш чорын чагылдырган күренешләрне сәхнәләштерделәр. 

Узган атнада мәктәптә һәр класс арасында чаңгы буенча эстафета уздырылды. Атналык линейкада җиңүчеләр бүләкләнде. Аларга Мактау грамоталары һәм дипломнар тапшырылды.

Тарих һәм җәмгыять белеме атналыгы кысаларында укучылар белән "Спорт уеннары тарихы" исемле викторина уздырылды. Аны тарих укытучысы Шәфигуллин Н.Ф. үткәрде. Укучылар лото, домино, баскетбол, шашка, шахмат, футбол уеннарының тарихы белән таныштылар. Төрле илләргә сәяхәт кылдылар.

Бөек Җиңүнең 70 еллыгы уңаеннан мәктәптә күп эшләр башкарыла. Укучылар һәм класс җитәкчеләре тыл ветераннарының, сугыш чоры балаларының өйләрендә булды, истәлекләрен туплап, альбомнар төзеде, аларны мәктәп музеена тапшырды. Шулай ук хәзерге вакытта исән булган тыл ветераннары белән әңгәмәләр үткәрү, аларның тавышларын яздыру эше дәвам итә.

Туган телгә багышланган кичәнең чираттагысын 5 нче класс укучылары белән Солтанова И.А. үткәрде. Укучылар "Табышмак әйтәм-җавабын тап" дигән кичәдә бик теләп катнаштылар.

Бүген мәктәптә 9 нчы класс укучылары һәм аларның әти-әниләре катнашында җыелыш узды. Җыелышта төп дәүләт имтиханнарына әзерлек мәсьәләләре турында сүз барды. Мәктәп директоры Хәбибуллини Ф.М.алда торган бурычларга тукталды, укыту-тәрбия эшенең торышы турында сөйләде. Район мәгариф бүлеге методисты Гатауллина Лилия Мәхмүдовна имтихан бирүдәге яңалыклар белән таныштырды, әти-әниләргә, укучыларга үзенең төпле киңәшләрен бирде. Фән укытучылары укучылар белән һәр айда уздырылган сынау эшләре белән таныштырдылар, анализладылар. Җыелыш ахырында төп дәүләт имтиханнарына яхшылап әзерләнү һәм әзерлекне ныклы контрольдә тоту бурычы куелды.

22 нче январь көнне 7-8 нче класс укучыларының ата-аналар җыелышы узды. Ул "Ата-аналарның бала тәрбияләүдәге җаваплылыгы" дигән темага багышланды. Чыгыш ясаучы Сөнгатов Ш.Җ. хәзерге заман шартларында үзенчәлекле, кабатланмас шәхес тәрбияләүнең әһәмиятенә басым ясады. Шулай ук гаиләдә үзара мөнәсәбәтләр җайга салынганда гына балаларны бик күп ялгышлардан саклап калу мөмкинлеге булуын ассызыклады. Төрле фән укытучылары укучыларның белемнәрне үзләштерү мөмкинлегенә, тәртибенә анализ ясадылар, ата-аналарның сорауларына җаваплар бирделәр.

Әлеге акция кысаларында авылдашларыбыз истәлегенә куелган һәйкәл һәрдаим кардан чистартыла. 

Туган телгә багышланган чаралар мәктәптә дәвам итә. Бүген 7-8 нче класс укучылары һәр  татар кешесенең үз телен хөрмәт итәргә тиешлеге хакында әңгәмә уздырдылар. (Үткәрде- Гарипова Р.И.)  Ләкин соңгы вакытта телгә ихтыяҗ җитми. Тел белүнең кирәклеге һәркайда чагылса гына, аны саклап калып булачак. Укучылар әнә шундый фикер белән таралыштылар.

Бүген мәктәптә чаңгы ярышы уздырылды.