Бөек Җиңүнең 70 еллык юбилее якынлашкан көннәрдә мәктәпнең "Туган якны өйрәнү" музее экспонатлар белән  тагын да тулыландырыла. Бу эштә безгә авылыбыздан чыккан якташлар да ярдәм итә. Шушы көннәрдә генә Арча шәһәрендә яшәүче Мәҗитова Таңсылу Вазих кызы Урта Курса авылында туган, шушыннан Бөек Ватан сугышына китеп, Ленинград фронтында радист булып хезмәт иткән әнисе Мәҗитова Фәхирә Нәбиулла кызының фотоларын, документларын музейга тапшырды. Мәктәп музее Таңсылу апада бик матур тәэсир калдырды.

Көннәр җылыну белән мәктәп тирәсендә эш тә күбәйде. Укытучылар, укучылар буш вакытларында бакчаны, чәчәклекләрне тәртипкә китерү, үзгәртү өстендә эшлиләр. Укучылар тал чыбыгы белән эшләү серләренә дә өйрәнәләр.

9 нчы класс укучылары өчен җаваплы чор якынлаша. Үзләренең киләчәк һөнәрләре турында да еш уйлана алар. Ел дәвамында төрле уку йортларыннан килгән белгечләр белән очрашу алар өчен файдагага гына. Бүген мәктәпкә  77 нче номерлы Арча агросәнәгать көллиятеннән һөнәргә өйрәтү мастеры Хаҗиәхмәтова Сания Ринат кызы һәм укытучы Фәсхетдинова Раймә Илсур кызы килделәр,  көллияттәге белгечлекләр, уку, яшәү шартлары белән укучыларны таныштырдылар, киңәшләрен бирделәр.

Габдулла Тукайның туган көне уңаеннан бүген Яңа Кырлайда шигырь бәйрәме узды. Әлеге бәйрәмдә Казаннан бер төркем язучылар катнашты. "Тукай конкурсы"  җиңүчеләрен дә бүген шушы тантанада бүләкләделәр. 6 нчы класс укучысы Солтанова Камиләгә  "Шигырь иҗат итү" бәйгесендә җиңгәне өчен район башлыгы И.Г.Нуриев 2 дәрәҗә диплом һәм истәлекле бүләк тапшырды.

"Язгы мәрхәмәтле эшләр эстафетасы" акциясе кысаларында мәктәптә күп төрле чаралар үтте. Укучылар һәр чарада теләп катнаштылар. Аларның һәркайсы изге эшләр башкарырга ашыкты. Бу атнага нәтиҗәләр атналык линейкада ясалачак.

26 апрель - Габдулла Тукайның туган көне уңаеннан уздырылган чарада укучылар шагыйрьнең шигырьләрен яттан башкардылар, тормышы, иҗаты буенча  викторина сорауларына җаваплар бирүдә актив катнаштылар. 5-6 нчы класс укучылары катнашында уздырылган ярышта 6 нчы класс укучыларының белемнәре өстенрәк булды. Афәрин!

Татар теле һәм әдәбияты атналыгы кысаларында  “Яздан аерып булмый Тукайны” дип исемләнгән күргәзмә оештырылды.  Күргәзмәдә шагыйрьнең рәсеме, аның китаплары, Тукай иҗатына багышланган  газета, укучылар ясаган рәсемнәр урын алды.

25 нче апрель көнне  укучылар мәктәп тирәсен чистарттылар, территориягә яшь агачлар утырттылар. Агач утырту эшендә Курса урманчылыгы җитәкчесе Гыйләҗиев Ф.Т. һәм һ.б. хезмәткәрләр дә катнашты. Алар укучыларга агач утырту тәртибен аңлаттылар, үзләренең тәҗрибәләре белән уртаклаштылар. Барлыгы 130 төп юкә һәм миләш агачы утыртылды. 

Башлангыч сыйныф укучылары «Ләйсән” балалар бакчасы белән даими элемтәдә торалар. Бүген, Габдулла Тукай туган көнне билгеләп үтү уңаеннан, “Тукай безнең белән” дип исемләнгән кичә үткәрелде. Укучылар Тукай шигырьләрен сөйләделәр, җырладылар, биеделәр. Г.Тукай шигырьләрен иң оста сөйләүчеләргә грамоталар тапшырылды. Бәйрәмнең икенче кисәге чәй өстәле артында дәвам итте. Балалар бакчасы коллективы укучыларны бу җиңүләре белән котлады.        

И моңлы, нурлы Тукай.