Бүген лагерьда  “Күңелле стартлар” үткәрелде. Укучылар ике командага бүленделәр. Төрле спорт ярышларында көч сынаштылар. Җиңүчеләргә бүләкләр тапшырылды.

Бүген лагерьда “Гаилә көне” үткәрелде. Укучылар гаиләләре турында сочинение яздылар, шигырьләр сөйләделәр. Ахырдан “Минем гаиләм” темасына рәсемнәр ясадылар. Иң оста рәсем ясаучы билгеләнде.

   «Кояшкай» лагерена башлангыч сыйныфлар бик теләп йөриләр. Көн саен иртән узган көнгә анализ ясала һәм иң актив укучы билгеләнә. Ул укучы флагны күтәрә. Иртәнге линейкада актив укучыларга грамоталар, бүләкләр тапшырыла. Актив булу, флаг күтәрү, грамоталар, бүләкләр алу өчен  балалар тырышалар. 

Лагерьда  тантаналы  төстә  иртәнге  линейка  үтте. Линейкада кичәге көнгә  йомгак ясалды, бүгенге көннең максаты хәбәр ителде.  Укучылар белән кече туган ил турында әңгәмә уздырылды. Балалар  авыл турында презентация карадылар. Аннары авылны күзәтергә  тау  башына  экскурсиягә чыктылар. Алар анда рәсемнәр ясадылар, төрле уеннар уйнадылар. Көн күңелле узды, укучылар канәгать булдылар.

Бүген мәктәптә "Кояшкай" лагере эшли башлады. Анда барысы 15 бала ял итәчәк. 1 июнь- балаларны яклау көне уңаеннан вожатыйлар төрле чаралар уздырды.

Көтеп алган җәйге каникуллар якынлаша. Уку елы ахырында барлык класслар да табигать кочагында булырга, туган ягыбызның гүзәллеген күреп кайтырга ашыга. Экскурсия, походларга бару аларны тагын да якынайта, коллективизм хисләре тәрбияли.

Бүген Татарстан Республикасы Казан шәһәре Фәннәр Академиясендә "Г.Курсави: дини мирас һәм татар мәгърифәтчелеге" дигән темага Бөтенроссия фәнни конференциясе булып үтте. Конференция 2016 нчы елда Г.Курсавиның тууына 240 ел тулуга багышланды. Анда Арча муниципаль район башлыгының социаль мәсьәләләр буенча урынбасары Котдусов И.Ф., Урта Курса авыл җирлеге башлыгы Вафина Р.Р., Урта Курса төп гомуми белем мәктәбе директоры Хәбибуллин Ф.М., мәктәпнең тарих укытучысы Шәфигуллин Н.Ф. катнашты. Котдусов И.Ф. Арча ягының күренекле кешеләре, татар мәгърифәтчеләре белән таныштырса, Шәфигуллин Н.Ф. "Габденнасыйр Курсави һәм аның дини мирасы" темасына чыгыш ясады. Конференциядә күренекле дин вәкилләре, танылган галимнәр, дәүләт һәм фән эшлеклеләре Курсавиның тормышына, иҗатына караган күп кенә мәгълүматларны җиткерделәр. Конференциядә катнашучылар ахырдан резолюция кабул иттеләр.

     “СМС -  дети” проектында катнашучы укучылар “Россия без табака” акциясендә катнашып,  тәмәкенең зыяны турында әңгәмә үткәрделәр, укучылар арасында анкета уздырдылар. Авыл  урамына чыгып, халыкка да тәмәкенең зыяны турында  аңлаттылар,  сораштыру үткәрделәр. Тәмәке тартучылар белән бер көнлек контракт төзеделәр.

25 нче май көнне  Арчада “Беренче сыйныф укучысының мәдәни көндәлеге” проекты җиңүчеләре бүләкләнде.  Көндәлек ел дәвамында беренче сыйныф укучыларына музей, театрларда, китапханәләрдә төрле чараларда катнашырга, Казан шәһәренең һәм республиканың тарихи урыннарында булырга мөмкинлек бирде. Мәктәбебезнең 1 нче сыйныф укучысы  Гарифуллин Галим  әлеге проектта җиңеп, 2 нче урынны яулады. Галимнең җиңүендә әти-әнисенең дә өлеше зур. Бик зур рәхмәт аларга!