Көн дәвамында укучылар хәрәкәтле уеннар уйнадылар, ярыштылар. Начар гадәтләргә каршы көрәштә спортның зур роль уйнаганына төшенделәр."Кем иң мөлаем?" конкурсы да бик күңелле үтте.

Спорт-сәламәтлек күнегүләре эшләгәннән соң укучылар табигатькә чыктылар. Үләннәр җыйдылар, аларның файдалы-файдасыз якларын билгеләделәр. Вожатый апалары белән берлектә бу көнне файдалы үткәрделәр.

Бүген  лагерьда  Җиңүнең 70 еллыгына карата әңгәмә уздырылды, презентация каралды. Укучылар үзләренең язып килгән иншаларын укыдылар. Аннары сугыш турында шигырьләр  сөйләделәр. Ашханәдә тукланганда да икмәкнең кадере, сугыш елларындагы авыр тормыш турында сөйләшү үткәрелде. Көн азагында җиңүче укучыларга бүләкләр тапшырылды. 

19 нчы июнь – Г.Тукай шигырьләренә конкурс көне. Алдан әйтелү буенча укучылар Г.Тукай шигырьләрен ятлап, сәнгатьле итеп сөйләргә өйрәнеп килделәр. Һәр укучы бик тырышып өйрәнгән шигырен сөйләде. Ахырдан “Иң оста башкаручы” билгеләнде. Ул – Бикбаева Алия. 1, 2, 3 нче урыннар да билгеләнде. Укучыларга бүләкләр тапшырылды. Көннең икенче яртысында Г.Тукай әкиятләрен видеодан карадылар һәм рәсемнәр ясадылар. Көн күңелле үтте.

Бүген саф һавада укучылар белән  "Күңелле стартлар" уздырылды. Җиңүче команда билгеләнде, аларга бүләкләр тапшырылды. Көндезге аштан соң  укучылар мультфильмнардан " Я на солнышке лежу...." исем астында  төрле җырлар өйрәнделәр.Көн ахырында кичке линейка уздырылды, актив укучыларга бүләкләр тапшырылды. Һәр укучы өйләренә яхшы кәеф белән кайтып китте.

Бүген "Кояшкай " лагеренда пожарга каршы профилактика  чаралары уздырылды. Укучылар презентацияләр, видеороликлар карадылар, әңгәмә уздырылды. Укучылар  аннары үзләренең фикерләрен рәсемнәргә төшерделәр.Һәр укучы бу профилактика чарасында теләп катнашты, җиңүче укучылар билгеләнде.

Уку тәмамлануга укучылар мәктәп бакчасында җәйге хезмәт чиреген башлап җибәрделәр. Мәктәп бакчасына бик күп төрле чәчәкләр, яшелчәләр, шул исәптән 220 төп кәбестә, 370 төп помидор утыртылды. График нигезендә укучылар бакча эшләрендә тырышып эшлиләр.

Бүген лагерьда экология көне. “Экологик светофорда кунакта” темасына конкурс үткәрелде.Көннең икенче яртысында табигатькә экскурсиягә чыктылар. Экологиягә багышланган әңгәмә шунда дәвам итте. Табигатьне сакларга кирәклекне бер минутка да исләреннән чыгармадылар.

Бүген лагерьда “Китапханә көне”. Укучылар белән мәктәп һәм авыл китапханәләренә экскурсияләр оештырылды. “Китап – белем чишмәсе” темасына әңгәмә үткәрелде. Һәр укучының ел буена укыган китаплары исәпкә алынды. “Иң күп китап укучы билгеләнде”.