Бүген мәктәптә 1 класс укучылары аллеясын утырту традициясе дәвам ителде. 1 класс укучылары 7 класс укучылары ярдәмендә үзләренең беренче агачларын утырттылар.

В рамках реализации мероприятий Стратегии развития образования в Республики Татарстан на 2010-2015 годы, с целью развития республиканской сиистемы оценки качества, в школе проводилась стартовая диагностика предметной обученности в  5-ом классе по русскому языку.

Уку елы башлануга 1 ай вакыт узып китте.  

Бүген мәктәптә математикадан олимпиадаларның мәктәп туры узды. Укучылар бу фән буенча үз белемнәрен сынап карадылар. Муниципаль турга бару өчен зур җаваплылык соралганын тоеп, эш иттеләр. Мәктәп турында җиңүчеләргә район олимпиадасында зур уңышлар телибез!

Бүген 9 нчы класс укучылары татар теленнән Бердәм Дәүләт тесты биремнәрен эшләп карадылар, белем һәм күнекмәләрен сынадылар.

Бүген мәктәбебез, Иске Кырлай авыл җирлеге составында, Казан шәһәрендә  үздырылган ярминкәдә катнашты.  Ярминкәдә мәктәп бакчасында үстерелгән кишер, суган, чөгендер, кабак, кабачки, кәбестә, бәрәңге, помидор, патиссон, төрле кайнатмалар һәм салатлар тәкъдим ителде. Ярминкәдән күтәренке кәеф белән кайттык. Сатып алучылар да канәгать калганнардыр дип уйлыйм.

Быел сентябрь ае үзенең кояшлы, җылы көннәре белән безне озак сөендерде. Көннәр җәй айларындагы кебек  җылы, якты. Шундый матур көннәрнең берсендә без авылыбыз янәшәсендә урнашкан алма бакчасына экскурсиягә чыктык. Анда көзге табигать гүзәллеге белән хозурландык,  кызыклы уеннар уйнадык. Ә иң күңеллесе һәм иң тәмлесе, истә калганы яңа тоткан балыклардан пешкән уха белән сыйлану булды. Табигать кочагында рәхәтләнеп ял итеп,  җәй белән саубуллашып кайттык.

Мәгариф учреждениеләренең профсоюз оешмалары арасында уздырылган Көзге кросс ярышында бүген мәктәбездән директорыбыз Гилязиев Хәйсәр Равилович җитәкчелегендә бер төркем укытучылар бик теләп катнаштылар.

Уважаемые родители, учащиеся 5-х классов! 

    В соответствии с приказом МО и Н РТ № 9257/15 от 09.09. 2015 года  в школах Республики Татарстан 30 сентября (русский язык) и  2 октября ( математика) проводится стартовая диагностика предметной обученности 5- х классов при переходе из начальной школы в основную школу. Всем учащимся 5 класса необходимо принять участие в диагностике.  

Бөтендөнья Балалар Ышаныч телефонының  5 еллыгы уңаеннан,  1-9 класс укучылары "Ышанырга  вакыт"  (Время доверять") акциясендә  катнаштылар. Әлеге акция кысаларында укучылар Ышаныч телефоны турында тулы мәгълүмат алдылар, презентация аша алган белемнәрен ныгыттылар.  Ахырдан һәр катнашучы тест сорауларына җавап биреп, Ышаныч телефонының укучылар өчен килеп туган проблемаларны хәл итәргә уңайлы һәм чынлап та ышанычлы булуын күрсәттеләр.

Прозаик, драматург, публицист һәм күренекле җәмәгать эшлеклесе Гариф Ахуновның тууына   бүген 18 сентябрьдә  90 ел була. Аның якты  истәлегенә багышлап, мәктәбебездә “Якташыбыз- горурлыгыбыз”  исеме астында кичә үткәрелде . "Гариф Ахуновның  татар әдәбиятына керткән хезмәтләре санап бетергесез зур. Ул- искиткеч тәрҗемәче.   Ул - ялкынлы публицист. Ул-драматург. Ул- хикәяче. Ул – очеркист,”- дип язган  олуг язучыбыз Аяз Гыйлҗиев. Укучылар әлеге кичәдә Г. Ахуновның иҗатын һәм үзен зурлап искә алдылар. Тәрҗемәче, публицист, драматург, хикәяче,  очеркист булуын тагын бер кат билгеләп, якташ язучыбыз белән горурландылар.