Октябрь  аенда  Өлкәннәр көне билгеләп үтелә. Без дә үзебезнең мәктәбебездә эшләп лаеклы ялга чыккан укытучыларны һәм техник хезмәткәрләрне бәйрәмнәре белән котлыйбыз. Аларга озын гомер, тазалык - саулык, бәхетле тормыш телибез. 

Мәктәп бакчасында көзге эшләр дәвам итә. Бүген без яшелчә уңышын җыюны дәвам итеп, чөгендерләрне җыеп алып  кышка сакларга куйдык. 

Бүген 1-4 класс укучылары белән авыл китапханәсенә кунакка бардык. Китапхнәче Хамзина Венера укучыларга мәдәни көндәлекләр тапшырды. Әлеге көндәлекләр белән барлык мәдәни урыннарга барырга мөмкин булуын аңлатты. 

Мәктәбебездә Көзге кросс ярышы үткәрелде. Әлеге ярыштан мәктәбебезнең бер укучысы да читтә калмады. Иң җитез йөгерүчеләр районда үтәчәк ярышка  барачаклар. 

Бүген мәктәп яны тәҗрибә участогында эшләр гөрләде. Җәй буе тырышып үстергән бәрәңге уңышын укучылар һәм укытучылар  белән бергәләшеп җыеп алдык.  Икенче икмәк уңышы барыбызны да бик сөендерде. Алга таба да уңыш җыю эшләре дәвам итәр.  

Бүген 1-4 класс укучылары авылыбыз янында гына урнашкан алма бакчасына  көзге экскурсиягә чыктылар.  Укучылар саф һавада хәрәкәтле уеннар уйнадылар,  бакчада үскән алмалардан авыз иттеләр. Экскурсия бик күңелле һәм  истә калырлык булды. 

В рамках года Толстого 10 сентября в школе прошел Единый классный час на тему «Человек, любящий детей»,  посвященный жизни и творчеству Льва Николаевича Толстого. Дети вспомнили великие произведения писателя, просмотрели  презентацию о его  жизни и творчестве .  Учащимся была представлена выставка из книг любимого писателя.   С этим замечательным человеком мы встречаемся в раннем детстве, а постигаем и заново открываем его для себя всю последующую жизнь.

Мәктәбебездә "Без тынычлык яклы" темасына беренче тәрбия сәгатьләре үткәрелде. Беслан трагедиясенә быел 14 ел. Андый вакыйга кабат кабатланмасын иде, илләребез тыныч, күкләребез аяз булсын иде. 

Буген барлык мәктәпләрдә дә Беренче кыңгырау бәйрәме билгеләп үтелә. Без дә җәйге каникуллардан соң шатланышып мәктәпкә җыелдык.  Яңа уку елы барыбызга да шатлык- сөенечләр, "4" ле һәм "5"ле билгеләре генә алып килсен.