Бүген Арча стадионында район беренчелегенә чаңгы ярышлары үткәрелде. Безнең мәктәптән физик культура укытучысы Ситдиков Айрат Габделнурович җитәкчелегендә кызлар һәм егетләр командасы катнашты. Ярышта кызлар командасы беренчелекне алды. Аларны шушы җиңүләре белән котлыйбыз. Киләчәктә дә уңышлар телибез. 

Бүген мәктәбебездә шахмат һәм шашка буенча зона ярышлары үткәрелде. Ярышта 4 нче һәм 8 нче  номерлы Арча балалар бакчалары,  6 нчы Арча урта мәктәбе,   Казанбаш, Сеҗе, Разъезд - Корса, Шушмабаш мәктәпләре катнашты.

Бүген  укытучылар киңәшмәсе үткәрелде.Киңәшмәнең көн тәртибе:

1. 2 нче чирек нәтиҗәләре, 3 нче чиреккә бурычлар. 

2. Төп дәүләт имтиханнарына әзерлекнең торышы. Пробный ОГЭ нәтиҗәләре.

3.Доклад: "Талантлар университеты белән берлектә проект эшчәнлеге" - Ахметшина Г.Х.  

 Бүген Арча мәдәният йортында   Хакимият башлыгы чыршы бәйрәме үткәрелде. Укучыларны аниматорлар каршы алдылар. Чыршы тирәсендә аниматорлар күңелле уеннар оештырдылар, флешмоб биеделәр.  Бәйрәм сәхнәдә әкият карау белән дәвам итте.  Укучыларга чыршы бәйрәме бик ошады.  

5- 9 класс укучылары  белән "Хуш киләсең, Яңа ел!" - бал-маскарады  үткәрелде. Һәр класс бәйрәмгә бик тырышып әзерләнделәр, күңелле биюләр, кызыклы скетчлар күрсәттеләр. Кыш бабай белән Кар кызы да укучыларны бәйрәм белән котладылар. Бәйрәм бик күңелле булды һәм һәркемгә дә ошады. 

Бүген 1-4 класс укучылары өчен "Кыш бабай дусларын җыя"- Яңа ел тамашасы үткәрелде. Бәйрәмгә кунакка Буратино, Мальвина,  песи Базилио,  төлке Алиса, куяннар, бүреләр, кар бөртекләре килделәр.  Укучылар әниләргә әкият- тамаша күрсәттеләр, җырлар- шигырьләр башкардылар, уеннар уйнадылар. Кыш бабай һәм Кар кызы балаларга бүләкләр өләштеләр, яңа ел бәйрәме белән котладылар. Бәйрәм бик күңелле узды. 

Мәктәбебездә Яңа ел бәйрәменә әзерлек эшләре тулы көчкә бара.  Ел саен "Яңа ел килә безгә" - исеме астында газеталар конкурсы уздырыла. Быел да һәр класс берсеннән-берсе матур газеталар тәкъдим итте.

Бу атнада мәктәп янын кар сыннары белән бизәдек. Укучылар һәм укытучылар тырышлыгы белән берсеннән берсе матур сыннар ясалды. Молодцы!!!

Ява карлар, яңа карлар - 

Кышның ак гөлләре.

Якты булсын, ап-ак булсын

Илемнең көннәре.

Ишетелеп торсын җирдә 

Балалар  көлгәне. 

Бүген Казанбаш мәктәбендә уздырылган "Ел укытучысы" - конкурсының зона этабында безнең мәктәбебездән тарих һәм җәмгыять белеме фәннәре укытучысы Хәбибуллина Гөлназ Галимҗан кызы  катнашты. Ул 5 сыйныфларда тарих фәненнән ачык дәрес күрсәтте һәм "Йолдызлы сәгать"  уенын уткәрде.  Укытучыбыз бик яхшы чыгыш ясады, аңа алдагы эшендә һәм тормышында уңышлар теләп калабыз.