30 нчы ноябрь - Әниләр көне. Шул уңайдан мәктәптә Әниләр көне билгеләп үтелде. Әниләребезне бәйрәм белән котладык. Үзебез әзерләгән җыр-биюләрне, кулдан эшләнгән бүләкләребезне тапшырдык. Безнең өчен иң кадерле булган  әниләребезне хөрмәт итик, яратыйк.

30 ноябрь - Әниләр көне. Әниләр - безнең иң кадерле кешеләребез. Әниләребезгә бик матур открыткалар, чәчәкләр ясадык.

Әниләргә зур хөрмәт тәрбияләү, эстетик зәвыкларын үстерү максатыннан башлангыч сыйныф укучылары " Әниләрне кадерлик" дигән рәсем күргәзмәсе ясадылар. Рәсем конкурсында барлык балалар да катнашты.

Курса Почмак урта мәктәбе Арча сәнгать мәктәбенең филиалы булып тора. Мәктәптә "Баян һәм синтезатор" түгәрәкләре эшли. Түгәрәкне Хабибрахманова А.Р. җитәкли. 28 нче ноябрь көнне шушы түгәрәкләр буенча укучылар зачёт бирделәр.

28 нче ноябрь көнне 10 нчы сыйныф укучылары, класс җитәкчеләре Гыйбадуллина Г.М. белән берлектә Кырлайга бөек шагыйребез Г.Тукай музеена бардылар. Г.Тукай турында бик күп яңалык, мәгълүмат туплап, тормыш юлы белән танышып кайттылар.

9 декабрь -Халыкара коррупциягә каршы көрәш көне. Шул уңайдан мәктәбебездә китапханәче Мотыйгуллина В.И. 8 сыйныф укучылары белән "Чиста кул, тыныч йокы!" исемле чара үткәрде. Чарада укучыларга ришвәт сүзенә аңлатма бирелде, тормышыбыздан бик күп мисаллар китерелде.Укучылар тирән эчтәлекле презентация карадылар, анкета сорауларына җавап бирделәр. 

Казан федераль университеты фолология һәм мәдәниятара багланышлар институты, Бөтендөнья татар конгрессы Башкарма комитеты,  ТР Язучылар берлеге, Татарстан китап нәшрияты, "Әллүки" әдәби иҗат берләшмәсе үткәргән  "Шигъри Сабантуй - 2014" яшь шагыйрьләр бәйгесенең  "Яшь батыр" номинациясендә мәктәбебезнең 10 нчы сыйныф укучысы Мортазина Гөлүсә III дәрәҗә диплом белән бүләкләнде. Җитәкчесе татар теле һәм әдәбияты укытучысы Гыйбадуллина Г.М. 

Тукай Кырлай музеена бүген мәктәбебезнең 1-3 класс укучылары барды. Алар Тукаебызның балачагы, тормыш юлы, ул яшәгән тормыш шартлары белән таныштылар. Истәлек өчен фотоларга төштеләр. Балаларга бик ошады.

В рамках Республиканского проекта "Самостоятельные дети" в нашей школе 21 ноября прошла акция  "Здоровая  мама - здоровый ребёнок" отряда LIDER . Цель акции - пропаганда антинаркотиической программы - вести здоровый образ жизни.

Башлангыч сыйныф укучылары  өчен парламент дәресләре булып узды.  " Мин яратам сине, Туган илем!!, "Россиянең һәм Татарстанның дәүләт символлары"

дигән темадагы бу дәресләр дәүләт символикасына хөрмәт, патриотизм һәм үз илеңә, республикаңа һәм авылыңа мәхәббәт тәрбияләү

максаты белән үткәрелде. Дәресләрне Шиһапова Л.М. һәм Әхмәдуллина Г.И. үткәрде.