Мәктәп янын тәртипкә китерү дәвам итә. Укучылар бу шимбәдә дә язгы өмәгә чыктылар.

Бүген  4 нче  сыйныф  укучылары  проект  эше  якладылар. 2  төркем  "Җир  планетасы  турында  мин  ниләр  беләм"  һәм  "Балалар  мәйданчыгы"  темалары  буенча  эшләделәр.

15 апрель көнне Казанда "Пирамида" мәдәни- күңел ачу комплексында "Ильһам" яшь язучылар бәйгесенең йомгаклау тантанасы булды. Бу тантанада мәктәбебез укучысы Гафурова Азалия дә катнашты һәм диплом, истәлекле бүләк  белән бүләкләнде.Азалия бу бәйгегә үзенең  "Җәйне сагыну" шигырен тәкъдим иткән иде. Азалиягә иҗади уңышлар телибез. Безне матур шигырьләре белән тагын да сөендерер дип ышанабыз.

Җиңүнең  70  еллыгына  багышлап  үткәрелгән  "Песни  великого  подвига" җыр  фестиваленең  "Вокаль  дуэт" номинациясендә   7  класс  укучылары  Нәҗметдинова  Камилә  һәм  Кәлимуллина  Гөлгенә  I  урынга  лаек  булдылар.

   2015 нче  елның  13 нче  апрелендә  Наласа  урта  мәктәбендә  космонавтиканың  54  еллыгына  багышлап, “108  минут”  акциясе  узды. Линейка  вакытында  мәктәптә  узачак  чаралар  белән  таныштырылды.

     Сыйныфларда  “12  апрель – Космонавтика  көне”, “Атаклы  космонавтлар”  дигән   темага  класс  сәгатьләре  узды.  10-11  нче  сыйныф  укучылары  өлкән  класслар  өчен  “Космонавтика: кичә, бүген, иртәгә”  темасына  чыгыш  ясадылар. Барлык  классларда  да  презентацияләр  күрсәтелде.

    2,3  һәм  5 нче  классларда  рәсем  конкурсы  узды. 4 нче  класс  укучылары  космик  ракета  модельләре  ясап  алып  килделәр.

   Өлкән  класс  укучылары  “Наука о космосе” темасына  реферат, “Мы  рождены  зихангирами”, “Зихангиры  рождаются  на  Земле” темасына  сочинениеләр  яздылар. Шулай  ук  шигырь  конкурсы  да  игълан  ителгән  иде.

Бала тәрбияләүдә  халкыбызның  гореф – гадәтләре, йолалары, милли традицияләре зур урын алып тора. Шул уңайдан   мәктәбебездә тәрбия сәгате узды.  Дәрестә  Наласа  мәдәният йорты директоры Шагиева А.Җ.  катнашты. Ул югары  класс укучыларын  халкыбызның фольклор күренешләре белән таныштырды.  Дәрес укучыларга бик ошады.

Укучыларыбыз туган тел һәм әдәбият өлкәсендә булган бәйгеләрдә бик теләп катнашалар. Бүген мәктәбебездә "Зирәк тиен" бәйгесе үтте. Бу бәйгедә катнашырга теләк белдерүчеләр  күп булды. Укучыларыбызга җиңүләр телибез!

9 апрель  көнне  мәктәбебез  укучылары  волейбол  буенча  зона  ярышлалында  катнаштылар. Кызлар  командасы II  урынны  яулады.  Аларга  11 апрельдә    район  этабында  узачак  ярышларда  уңышлар  телибез.