Бүген мәктәбебезнең 11 нче сыйныф укучылары татар теленнән мониторинг эше башкардылар.

         Тирә - ягыбызның гүзәллеген, чисталыгын саклау, территорияләребезне тәртиптә тоту – һәркемнең изге бурычы.

16 нчы май  көнне дә мәктәбебез коллективы өмәгә чыкты. Тирә-юньдәге чисталык тагын бер кат күздән кичерелде, чәчәкләр утыртылды, сулар сибелде.

       Укучыларыбыз Бөек Җиңүгә багышланган  район   күләмендә  үткәрелгән иншалар бәйгесендә актив катнаштылар.  10 нчы класс укучылары Габдрахманов Рафил “Әгәр мин прокурор булсам” номинациясендә I  урын(җитәкчесе : Габдрахманова Г.В.), Хәсәнов Искәндәр  “Мин коррупциягә каршы” номинациясендә  III  урынга (җитәкчесе: Шагисламова Г.Р.)  лаек булдылар . Укучыларыбызны уңышлары белән котлыйбыз!

Бүген 9 нчы класс укучыларыбыз  татар теленнән  бердәм  республика  тесты эшлиләр.

 Уңышлар сезгә, укучылар!

9 майда Арча шәһәрендә Бөек Җиңүнең 70 еллыгына багышланган парад һәм митинг булды. Мәктәбебезнең “ Бөек Җиңүгә 70 бишле” акцияседә җиңүче 3 укучыбыз  парадта катнашу бәхетенә ирештеләр.

Менә 70 ел инде тыныч хезмәт фронтында эш кайный. Ләкин сугыш китергән тирән хәсрәт, яралар һаман да үзен сиз­дерә. Ветераннарның күкрәгендә кыймылдаган мина кыйпылчыгы аша, әти сүзен әйтергә тилмереп үскән сабыйлар аша, ничә еллар буена олы юлдан күзен алмый газиз балаларын көткән аналар аша, әле һаман бер-берсен эзләүче фронтовик- дуслар аша…

Хөрмәтле ветераннар!

Сезне бәйрәмегез белән чын күңелдән котлыйбыз.

 Сугыш ялкыны безнең дөньяны

Чолгап алмасын яңадан.

Сакла, сакла тынычлыкны,

Дан тынычлыкка, дан, дан, дан!

 4нче май көнне Арчада  сәләтле укучыларны хөрмәтләү тантанасы булып узды. Анда район  башкарма комитеты җитәкчесе Илшат Нуриев катнашты  һәм тырыш балаларны уңышлары белән котлады, мәктәптән соң, нинди генә һөнәр алсалар да, тормышны матур итеп кора белергә кирәклеген әйтте, эшкә районга кайтырга чакырды. Әлеге тантанада мәктәбебезнең 11 класс укучысы Насыйбуллина Камилә катнашты һәм  Дипломга лаек булды. Камилә, сине чын күңелдән котлыйбыз һәм  киләчәктә тагы да зур уңышларга  ирешүләрен телибез.

Кичә  мәктәпнең  ЮИД  отряды  "Безопасное  колесо-2015"  конкурсында  катнашты. Укучылар  "Беренче  медицина  ярдәме", "Иминиятләштерү  нигезләре", "Велосипедта  фигуралы  йөрү", "Автогородок", "Юл  йөрү  кагыйдәләре", "Агитбрида"  станцияләрендә  көч  сынаштылар.

Укучыларыбыз Җиңү бәйрәмен зур әзерек белән каршылыйлар. Шушы уңайдан уздырылган "Бөек Җиңүгә  70 "5" ле акциясенең мәктәп турына йомгак ясалды. Бәйгедә  өч яшь категориясендә  җиңүчеләр билгеләнде. Менә алар : 2 нче класс укучысы  Хәсәнова Ильмира (96  "5" ле) ,   7 нче класс укучысы Нәҗметдинова Камилә ( 131   “5” ле) , 10 нчы класс укучысы Хәсәнов Искәндәр (106 “5” ле).   Җиңүегез белән котлыйбыз!!!