Бүген  мәктәбебездә " Тәрҗемә  ит." уены үткәрелде.Аны  Арча  педагогия  көллиятеннән практикага  кайткан  үзебезнең  чыгарылыш  укучыбыз  Вахитова  Ләйсән  Марат  кызы  оештырды. Әлеге  уенда 8  класс укчысы- Хөснетдинов  Дамир, 9  класс укучысы - Сафиуллина Алисә, 10 укучысы- Мифтахова Ания  үзара  көч  сынаштылар.  Шулай  ук  уен  барышында  башлангыч  класс укучылары күңелле  җырлар  башкардылар. Уен  бик күңелле  үтте.

  Мәктәбебезнең  бер  төркем  укучылары  Арча  укучылар  сараенда  үткәрелгән  авиамодельләр  очырту  буенча  чемпионатта  катнаштылар. Чара  бик  күңелле  узды.

  13 нче  февраль  көнне  мәктәбебез  командасы  "Зарница"  уенында  катнашты. Укучылар  анда  уңышлы  гына  чыгыш  ясадылар.

12 нче  февараль  көнне  мәктәбебезнең  патша  һәм  патшабикәсен  сайлаулар  узды. Алдагы  көннәрдә  укучылар, укытучылар  һәм  техник  хезмәткәрләргә  кандидатлар  турында  мәгълүматлар  белән  танышу  мөмкинлеге  тудырылган  иде. Шуларга  таянып  һәркем  үзенә  ошаган  кандидатура  өчен  тавыш  бирде. Сайлау  нәтитәләре  соңрак  игълан  ителәчәк. Сайлауларны  чит  телләр  укытучысы  Заприпова  Р.Ф. һәм  практикант  студент  Вахитова Л.М.  оештырды.

Бүген  8 нче  сыйныф  укучылары  тыл  ветераны  Хөснетдинова  Хәтимә  апа  белән  очраштылар. Хәтимә  апа  укучыларга  сугыш  еллары  турындагы  хатирәләре, күргән  авырлыклары, гыйбрәтле  хәлләр  турында  сөйләде. Соңыннан  барысы  бергә  фотога  төштеләр.

Инглиз  теле  атналыгы  дәвам  итә. Чит  телләр  укытучысы  Зарипова Р.Ф.  һәм  практикант  студент   Вахитова  Л.М.  Дисней  мультфильмы  геройларын  сурәтләгән  рәсемнәр  күргәзмәсе  оештырдылар. Күргәзмәдә  1- 5  сыйныф  укучылары  катнашты.

Бүген  "Җилкәннәр"  отряды  варислары (5 класс)  тыл  ветераны  Мөхетдинова  Рәшидә  апа  белән  очрашуга  бардылар. Ул  укучыларга  сугыш  вакытында  күргән  авырлыклар, гыйбрәтле  хәлләр, шул  чордагы  тормыш, башкарган  хезмәтләре  турында  сөйләде, үзенең  теләкләрен  җиткерде. Соңыннан  варислар  Рәшидә  апа  белән  фотога  төштеләр.

Мәктәптә инглиз теле атналыгы башланды. Бүген  инглиз теле укытучысы Зарипова Р.Ф. 4 нче классларда ачык дәрес үткәрде.

8 нче  феврвль  Яшь  геройларны  искә  алу  көне  буларак  билгеләп  үтелә. Шул  уңайдан   бүген  мәктәбебездә  герой - пионерларга  багышланган  чара  узды. 5 нче  класс  варислары    яшь   пионерлар, аларның  сугыш  вакытында  күрсәткән  батырлыклары  турында  сөйләделәр.

Күренекле мәгърифәтче, галим Ибраһим Хәлфин исемендәге X Республика фәнни- эзләнү  конферециясендә Бөек Ватан сугышында катнашкан язучылар иҗатына багышланган сыйныфтан тыш чаралар һәм дәрес эшкәртмәләре бәйгесендә  физика укытучыбыз Гайфуллин Рашат Фәгалович I урынга лаек булды. Чыш күңелдән котлыйбыз, киләчәктә дә эшегездә зур уңышлар, сәламәтлек телибез.