28.04.18 көнне 5 – 9 класс укучылары катнашында тормыш иминлеге нигезләре укытучысы Әхмәтов Рәмзил Хуҗагали улы “Ачык ТИН дәресе” үткәрде. Табигатьтә куркынычсызлык, үз – үзеңне тоту кагыйдәләре белән таныштырды. Кызыксынучыларның өстәмә сорауларына да җавап бирде. Дәрес кирәкле һәм үтемле булды.

II Республика “Минем кече Ватанымда парк һәм скверлар” фото, рәсем конкурсының район этабында мәктәбебез укучылары актив катнаштылар. Рәсем конкурсында 4 класс укучысы Хайдарова Илвина 3 нче урынны, фото конкурсында 7 класс укучысы Миргалимов Рифат 3 нче урынны алдылар. Аларга киләчәктә дә уңышлар телибез. Җитәкчеләре: Миргалимова Э.В.

VII Республика “Ил сагында” рәсем конкурсының район этабында 1 класс укучысы Миргалимова Зәлиянең эше 2 нче урынга, 4 класс укучысы Хайдарова Илвинаның эше 1 нче урынга, 7 класс укучысы Миргалимов Рифатның эше 1 нче урынга лаек булдылар. Аларга киләчәктә дә уңышлар телибез.

«Туган ягым тарихында мәктәбемнең эзе бар” исемле I район фәнни – гамәли конференциясендә катнашу өчен, 8 класс укучысы Галиева Азалия мәктәп тарихына багышланган “Тарих чылбыры буйлап” исемле эш җибәргән иде. Аның хезмәте уңай яктан телгә алынды һәм сертификатка лаек булды.

27.04 көнне Иске Җияш, Шәрип, Теләкәй мәктәпләре башлангыч класс укучылары катнашында “И туган тел, и матур тел” дип исемләнгән Тукай кичәсе мәдәният йортында үтте. Укучылар Тукай шигырьләрен сөйләделәр, җырладылар, әкиятләрен сәхнәләштерделәр. Чара бик күңелле булды. Җитәкчеләре: башлангыч класс укытучылары.

26.04 көнне Тарих укытучысы Газетдинов Илнар Флюр улы 5 – 9 класслар катнашында парламент дәресе үткәрде. Ул дәрес барышында РФ, ТР дәүләт хакимияте органнары төзелеше, аларнын функцияләре, РФ Федераль Җыены, ТР Дәүләт Советы, аларның вәкаләтләре турында сөйләде. Укучыларны кызыксындырган сорауларга җавап бирде.

26.04 көнне башлангыч класс укучылары “Дуслык” балалар бакчасы тәрбияләнүчеләре әзерләгән Тукай кичәсендә кунакта булдылар. “Кәҗә белән Сарык”, “Кызыклы шәкерт”, “Шүрәле” әкиятләрен карадылар. Бәйрәм чарасы бик күңелле булды.

25.04 көнне Богады мәктәбендә районның химия-биология укытучылары һәм бакчачылары катнашында семинар үтте.Анда узган уку елында куелган тәҗрибәләр һәм яңа уку елында куелачак тәҗрибәләр турында презентация белән чыгышлар ясалды. Семинарда безнең мәктәптән химия-биология укытучысы Хабиров Г.А. чыгыш ясады.

25.04.көнне Актаныш туган як музеенда "Туган ягым тарихында мәктәбемнең эзе бар" исемендә район фәнни-гамәли конференция үтте. Анда безнең мәктәпнең 8нче класс укучылары Гәрәева Фирүзә-җиңүче, Әбүдәрова Зилә-призер булдылар. Җитәкчеләре-Хәбирова Мәйсәрә Фаис кызы. Әфарин!