Район күләмендә узган стритбол ярышында безнең мәктәп командасы уңышлы чыгыш ясап, истәлекле бүләкләр белән бүләкләнделәр. Милли көрәш буенча район данын яклап чыгыш ясаган укучыларыбызның да уңышлары сөендерә. 9 класс укучысы Шәрифҗанов Ильмир әлеге республика күләм бәйгедә мактаулы 2 урынга лаек булды. Афәрин!

Бакчада көзге эшләр тәмамланды. Укучылар белән берлектә кара миләш җыелды,кишер, чөгендер алынды

16 сентябрь көнне мәктәбебез авылдашыбыз, кренекле сатира остасы Г. Афзал тууына 90 ел тулу уңаеннан кунаклар кабул итте. Алар арасында якташыбыз - язучылар берлеге рәисе Мөхәммәт Мирза, күренекле драматург, Г. Афзал исемендәге премиянең беренче лауреаты Туфан ага Миңнуллин, шулай ук язучылар Камил Кәримов, Данил Салихов һ.б. бар иде Язучылар мәктәп музее белән таныштылар, укучылар чыгышын яратып кабул иттеләр, үзләренең изге теләкләрен җиткерделәр. Истәлекле очрашу фотого төшү белән тәмамланды.

Яңа уку елын мәктәбебез яңа җитәкче белән башлап җибәрде. Файрушин Камиль Батырхан улы эстафетаны Рахманов Алмаз Шамил улына тапшырды.

1 сентябрь - Белем бәйрәме көнне мәктәбебез янә үз ишекләрен ачты. 1 сыйныфка 11 укучы кабул ителде. Аларны беренче укытучылары Фазлыева Рәмзия Нәфик кызы каршы алды. Бәйрәм белән котлап,  район мәгариф бүлеге вәкиле Әмиров Камил Хәмит улы, "Таң" җаваплылыгы чикләнгән ширкәт директоры Миңнеханов Рафис Фәрих улы, авыл җирлеге башлыгы Шайхыразиев Камил Мәхмүт  улы тәүге тапкыр мәктәп бусагасын атлап керүче нәниләргә үзләренең истәлекле бүләкләрен тапшырдылар.

3 нче класс "Әтиләр көне"не багышлап чара уздырылды. Чарада 5 нче класс укучысы Гизетдинов Рүзәлнең мобилизациядә булган әтисе Гизетдинов Рузил укучыларга күчтәнәч җибәрде. 

Ученики 3 класс провели мероприятие ко Дню Отца.