Укучыларның куркынычсызлыгын тәэмин итү максатыннан мәктәп күләмендә класс җитәкчеләре ачык класс сәгатьләре оештырдылар

7 сентябрь көнне район мәдәният йортында чәчәк бәйрәменә нәтиҗәләр ясалды. Конкурс нәтиҗәләре буенча урта мәктәпләр арасында безнең мәктәп II урынга лаек булды. Чәчәкләрне үстерүдә катнашып, җиңүгә үз өлешен кертүчеләргә зур рәхмәт!

Мәктәп яны тәҗрибә участогында көзге эшләр бара. Бәрәңге, кишер, чөгендер алу, кара миләш җыю, тәҗрибә участлгы территориясен җыештыру, чәчәк орлыкларын җыйнау эшләрендә барлык класс укучылары, укытучылар да тырышып хезмәт куя.

2012-2013 уку елында Такталачык урта мәктәбендә 99 бала белем ала. Аларга 19 укытучы белем һәм тәрбия бирә. 1 сыйныфка 8 бала укырга керде. Барча укучыларга, укытучыларга яңа уку елында уңышлар телибез.

Чыгарылыш сыйныф укучыларын олы тормыш юлына чакырып соңгы кыңгырау чыңлады. Алда ГИА, бердәм дәүләт  имтиханнары көтә. Укучыларыбызга уңышлар телибез!

Антитеррор буенча районыбызда баручы тикшерү мәктәптә әлеге юнәлештә алып барылган эшчәнлекне уңай бәяләде. Тикшерү барышында документлар, эш планнары, стендлар каралды.

23 нче май көнне мәктәптә эшләп килүче профилактик отряд эшчәнлеге тикшерелде. Өлкән сыйныф укучылары белән очрашу барышында әлеге юнәлештә эшләүче сайт белән таныштырдылар. 

15-17 май көннәрендә мәктәбебезнең укучылар һәм укытучылар командасы, традицион рәвештә Байсар урманында оештырылучы турслетта булдылар. Газета чыгару, ориентлашу, туризм техникасы, ККМ буенча уңышлы чыгыш ясаган укытучыларыбыз командасы гомуми 3 урынга лаек булды. Команда составында Р.З. Исхаков, Р.Р.Гайсин, З.А.Исламова, И.И.Шайхразиева ККМда 2, туризм техникасында 2 урынга лаек булдылар; шәхси беренчелектә Р.З.Исхаков ориентлашу буенча 1 урынны алды. Укучыларыбыз да уңышлы чыгыш ясадылар. Укытучылар командасы мактау грамоталары, кыйммәтле бүләкләр белән бүләкләнделәр. Афәрин! 

Учителя нашей школы Р.С.Амирова и Н.Х.Хазиева участвовали в Поволжской Всероссийской ноучно-практической конференции.

14 май көнне мәктәп күләмендә Балаларны яклау көне узды. Класс сәгатьләреннән соң барлык укучылар да табигатькә юл алды. Башлангыч сыйныф укучылары дару үләннәре җыйды, сәламәтлекне ныгытуга юнәлтелгән уеннар уйнадылар. 5-11 класс укучылары ориентлашу, туризм техникасы кебек ярыш төрләрендә үзләрен сынадылар.