1 февральдән мәктәбебездә оборона - масса айлыгы башланып китте. Сыйныф  җитәкчеләре класс сәгатьләрен әлеге тематикада алып баралар.  

Районкүләм хоккей ярышында мәктәбебез командасы лаеклы II урынны яулады! Афәрин егетләр!

Татарстан Президенты Рөстәм Миңнеханов «2012 елны Татарстанның тарихи-мәдәни мирасы елы» дип игълан итү турында фәрманга кул куйды.

"Ел укытучысы - 2012" конкурсында безнең мәктәптән инглиз теле укытучысы Амирова Розалия Сагировна катнашачак. Аңа уңышлар гына телибез!

Мәктәпкә кайткан интерактив такта белгечләр тарафыннан рус теле һәм әдәбияты кабинетына урнаштырылды. 

28 январь көнне мәктәпкүләм кышкы спартакиада узды. Укучылар биатлон, шорттрек, пресс, аркан тартуда көч сынаштылар. Кечкенәләр төркемендә(5,6,7) I урын- 7 класс, II урын -6 класс, III урын -5 класс. Зурлар төркемендә(8,9,10-11) I урын - 8,9 класс, II урын - 10-11 класс. 

27 январь көнне мәктәбебездә ТИН укытучылары семинары узды. ОБЖ укытучысы А.Ш. Рахманов ачык дәрес күрсәтте. Дәрестән соң кунаклар "Йолдызлык - 2012" концертын карадылар.  

   23 нче январь көнне авыл мәдәният йортында "Йолдызлык" бәйгесенең зона этабы узды. Биредә Теләкәй, Бурсык, Коррекцион мәктәп, Такталачык урта мәктәпләренең чыгышлары каралды.Конферансье А. Хазиев, Г. Газетдиноваларның чыгышларын, күмәк татар һәм чуаш биюләрен, Р.Мирзаянов, Э. Габдуллиналарның җырлавын, балалар бакчасыннан Н. Сәрвәровның биюен жюри югары бәяләде. Әлеге укучыларга алга таба да уңышлар телибез.

20 январь көнне мәктәпнең актлар залында "Ныклы белем һәм тәрбия - замана таләбе" темасы астында гомуми ата - аналар җыелышы узды. Җыелыш барышында мәктәп директоры А. Ш. Рахманов, укыту - тәрбия эшләре буенча директор урынбасары А.М. Шаемова, тәрбия эшләре буенча директор урынбасары Р.Р. Гайсин чыгышлары тыңланды. 

18 январь көнне хоккей буенча зона ярышында мәктәбебез  командасы 1 урын яулады. Киләчәктә дә аларга уңышлар гына теләп калабыз.