Әле кайчан гына уку елы башлануны хәбәр итеп тәүге кыңгырау чыңлаган  иде. Бүген инде    уку елының беренче яртыеллыгы тәмамлануга  санаулы көннәр калып бара. Шул уңайдан укучыларыбыз төрле фәннәрдән контроль эшләр башкара.  10-11 декабрьдә 5, 7 класс укучылары- татар теленнән, башлангыч класс укучылары рус теле, татар теле, математикадан район мәгариф бүлеге тарафыннан җибәрелгән контроль  биремнәрне үтәделәр.

Такталачык төп гомуми белем бирү мәктәбенең 9 нчы класс укучысы Габдуллина Энҗе географиядән үткәрелгән бөтенрәсәй олимпиадасының район этабында 4 нче урынны яулады.(беренче өч урын билгеләнмәде). (Җитәкчесе: Хаҗиева Н.Х.)

 Инвалидлар декадасы кысаларында, 5-9 класс укучылары класс  җитәкчеләре белән берлектә, мәктәптә эшләп лаеклы ялга чыккан инвалидларның өйләрендә булып, хәлләрен белделәр, күчтәнәч каплары тапшырдылар

 Такталачык төп гомуми белем бирү мәктәбенең 9 нчы класс укучылары  Харисова Сөмбел һәм Газетдинова Гүзәл,  "Туган телем - шагыйрьләр теле"-гомуми белем бирү йортлары укучыларының   3 нче республика фәнни- эзләнү конференциясендә уңышлы чыгыш ясап,  икенче урынга лаек булдылар  ( фәнни җитәкче: Шәемова А.М)

Такталачык төп гомуми белем бирү мәктәбе башлангыч укытучылары белән балалар бакчасы тыгыз элемтәдә эшлиләр. Район күләмендә үткәрелгән бакча мөдирләре семинарында башлангыч класс укытучысы Шаемова З.Ф.катнашты.

 Такталачык төп гомуми белем бирү мәктәбенең 9 нчы класс укучысы Газетдинова Гүзәл Наил кызы җәмгыять белеменнән үткәрелгән  бөтенрәсәй олимпиадасының район этабында җиңүче булды. (Җитәкчесе: Газетдинова А.А.) Гүзәлне зур җиңүе белән котлыйбыз . Алда торган этапларда да җиңүгә ирешүен телибез.

--Скоро Новый год! Ученики начальных классов начали готовиться к этому замечательному празднику. Каждый класс из разных материалов делают новогодние поделки.

 Такталачык төп гомуми белем бирү мәктәбендә, укучыларның  дәрестән тыш эшчәнлеген тагын да җанландыру, саф һавада кышкы уеннарны арттыру максатыннан, шугалакта боз катыру эшләре башланды.

Учителю иностранного языка МБОУ "Такталачукская ООШ" Фазылову Азату Мирасовичу,  приказом начальника управления образования № 396  ОД от 1 декабря 2015 года,    объявлена благодарность   за высокую активность и качество  представленного материала  в заочном конкурсе видеороликов «Лучший урок по иностранному языку по ФГОС».