Такталачык  төп гомуми белем бирү мәктәбе командасы РСФСР ның көрәш буенча спорт мастеры И.З.Әнвәров истәлегенә 1998 нче елгы яшүсмерләр арасында оештырылган милли көрәш турнирында 3 нче урынга лаек булды. Команда членнары Ханов Раян 2 нче урынга, Нурыев Динис 3 нче урынга, Ханов Марсель 4 нче урынга, Сәлимгәрәев Ирек 5 нче урынга лаек булдылар.Сарваров Н, Галиев Б уңышлы чыгыш ясадылар. Җитәкчесе: Исхаков.Р.З.

Мәктәбебезнең 4 нче сыйныф укучылары Туган көн кичәсе үткәрделәр. Алар көз айларында туган укучыларны котладылар. Укучылар төрле концерт номерлары әзерләгәннәр иде.  Уеннар уйнадылар, күңел ачтылар. Соныннан бергәләп  чәй эчтеләр.  

Такталачык төп гомуми белем бирү мәктәбендә 5- 9 нчы класс укучылары өчен тарих һәм җәмгыять белеме укытучысы А.А Газетдинова тарафыннан  "Законнар кайда туа?" дигән темага парламент дәресе  уздырылды

Экологиядән Бөтенрәсәй олимпиадасының район этабында уңышлы чыгыш ясап, 9 нчы класс укучысы Габдуллина Энҗе  4 нче урынны яулады.

 15 нче ноябрь- якшәмбе көнне  "Татарстан - Яңа гасыр" телевизион каналыннан  Такталачык төп гомуми белем бирү мәктәбе базасында укучыларыбызның турыдан туры катнашы белән  төшерелгән  "Әдәби хәзинә" тапшыруын күрсәттеләр.  Тапшыру авылдашыбыз - Татарстанның халык шагыйре Гамил Афзал иҗатына багышланган.

Тиздән Әниләр бәйрәме җитә. Башлангыч сыйныф укучылары бу бәйрәмгә әзерләнә башладылар инде. Алар дәрестән тыш эшчәнлек вакытында әниләренә үзенчәлекле бүләкләр ясыйлар. Һәр укучы бу эштэ тырышып эшлиләр, Үзләренең әниләренә булган яратуларын, хөрмәтләрен күрсәтәселәре килә.

Такталачык төп гомуми белем бирү мәктәбендә  " 2015- 2025 нче елларга  Татарстан Республикасында тәрбия бирү стратегиясе "ндә мәктәп һәм гаилә бәйләнеше" дигән темага гомуми ата-аналар җыелышы булды.  Укыту- тәрбия эшләре буенча директор урынбасары Нуриева Ә.Г. стратегиядә күрсәтелгән ата- аналарның педагогик компетентлыгын   үстерү чаралары белән таныштырды,  балаларның иминлеген, сәламәтлеген тәэмин итү, аларны   төрле  куркынычлардан  саклау турында  район больницасының психотерапевты Мәхәмәтова Роза Нәҗметдин кызының, информатика укытучысы Гайсин Радик Рамил улының, Такталачык табиблык-амбулаторлык пункты баш врачы Минхуҗин Ленар Сәүбән улының  тирән эчтәлекле чыгышлары бер генә ата- ананы да битараф калдырмады.

Такталачык төп гомуми белем бирү мәктәбендә нарколог Ленар Саубанович Минхуҗин тарафыннан 8-9 нчы класс укучыларына  "Спиртлы эчемлекләр, наркотикларның яшүсмер организмына зыяны" дигән темага чыгыш ясалды, соңыннан 15 яше тулган 7 укучыга наркотест үткәрелде

 Такталачык төп гомуми белем бирү мәктәбендә "Татарстан- Яңа гасыр" телерадиокомпаниясенең иҗат төркеме Татарстанның халык   шагыйре авылдашыбыз Гамил Афзал иҗаты буенча "Әдәби хәзинә" тапшыруы өчен материаллар туплады.  Тапшыруны күрсәтү 15 нче ноябрьдә- якшәмбе көнне көндезге сәгать бердә  планлаштырыла. Казан кунаклары мәктәп музеендагы экспонатлар, укучыларның,  укытучыларның, Г. Афзалның өченче буын туганы Зимфира Сәрвәрованың чыгышы аша үзләренә бай материал тупладылар.